The Definitive Guide to Living in the Capital , Cairo , Egypt

الجو ده عاوز مياه ومساحات خضراء علشان نقدر نقاوم ارتفاع درجات الحرارة، والخروجات في مصر حاليًا لا تصلح إلا في الأماكن المكيفة أو وسط الخضرة والماء، وعلشان كده النهاردة هنقولكم إزاي تستمتعوا بخروجة فيها ماء وخضرة ومش على النيل كمان، لأن Boards and Boats بتقدم تجربة مميزة هتساعدكم على الإلهام داخل الماء في مقراتها داخل ماونتن فيو وميفيدا، من خلال برامجهم للكاياك وSUP، وهنعرفكوا كل التفاصيل خلال السطور اللي جاية.

أكاديمية Boards and Boats أنشأها مجموعة من الأصدقاء عندهم شغف بالتجديف والكياك وهما خبرة بسبب تدريباتهم المتخصصة وعندهم شغف برياضة الكياك والتجديف وحب المغامرة، وبيسعوا من خلال مشروعهم أنهم يمرنوا الجسم بالكامل لكل الناس اللي بتحب المغامرة واللياقة البدنية والتوازن والمرح، وبيقدموا برامج مختلفة ودروس لكل الأعمار مناسبة لهم.

ومن ضمن برامجهم رحلة ركوب الكاياك بالماء وتعليم طريقة التجديف الصحيحة وتقدروا تحجزوا رحلة لمدة 45 دقيقة علشان تستمتعوا بمتعة ركوب الكياك وكمان تحسنوا لياقتكم البدنية، وسعر الرحلة 250 جنيه، وكمان عندهم برنامج للأطفال من سن 7 حتى 15 سنة، وفيه بيعلموا الأطفال خطوة بخطوة إزاي يتحكموا في الكاياك وتقنيات التجديف وبناء العضلات وتحسين الوضع العام للجسم، وده غير برنامج تدريب الكبار اللي برنامج تدريب الكبار اللي بيسعوا من خلاله لتحسين قدراتكم على التحمل ولياقتكم البدنية وتحسين التوازن والتنسيق وتقوية العضلات وتمارين القلب.

أما برامج SUP فهي بتكون عبارة عن جلسات تدريب التجديف الصحيح واقفين على الماء، وتقنيات التجديف الصحيحة واكتساب مهاراتها، وبيكون عبارة عت سيشن واحد فقط، وسعر الرحلة 250 جنيه.

أما برنامج SUP للمحترفين فهو مخصص للناس اللي عاوزة تشارك في مسابقات التجديف أو اللي عاوزين يكونوا متقدمين في الرياضة دي، وهما بيدربوكم على تحسين أسلوبكم وسرعتكم من خلال خطة متكاملة متخصصة بيكون أساسها زيارة قوة التحمل وتوازن الأشخاص، والقدرة على تحمل ضربات المجداف المستمرة.

وتبدأ أسعار التدريبات المتخصصة للكاياك والـSUP من 750 جنيه لـ4 جلسات وهما موجودين في كمباوند ماونتن فيو وميفيدا القاهرة الجديدة، وممكن تتواصلوا معاهم على رقم 01030390291

 

تقدروا تعرفوا أكتر عنهم من خلال صفحة الفيسبوك من هنا.