أسعار عقد القران في المساجد الأثرية بالقاهرة 2026.. 5 مساجد تاريخية تبدأ منها حياتك الزوجية
أسعار الخدمات أماكن عقد القران الحاكم بأمر الله الزواج في مصر السياحة الثقافية القاهرة التاريخية المجلس الأعلى للآثار المساجد الأثرية عقد القران كتب الكتاب مسجد أحمد بن طولون مسجد الرفاعي مسجد السلطان حسن مسجد محمد علي
Mohamed Talaat
أصبح عقد القران داخل المساجد الأثرية في القاهرة من أكثر الخيارات اللي بيفضلها العرسان اللي بيدوروا عن أجواء مميزة تجمع بين الروحانية وعراقة التاريخ. وبتضم مصر مجموعة من أروع المساجد الإسلامية المصنفة ضمن التراث العالمي، وده بيخلي “كتب الكتاب” داخلها تجربة استثنائية لا تُنسى. وفي السطور الجاية هنستعرض معاكم أسعار عقد القران في أبرز 5 مساجد أثرية بالقاهرة، بالإضافة إلى الشروط والضوابط اللي أعلنها المجلس الأعلى للآثار للراغبين في الحجز.
بداية وضح المجلس الأعلى للآثار أن مدة عقد القران داخل المسجد بتكون 3 ساعات والحجز متاح لكل الأفراد دون تمييز، وممنوع إقامة عقد القران في مواعيد العمل الرسمية “وقت الصلاة”، ولو هتستخدموا المياه والكهرباء بيتم إضافة 1000 جنيه زيادة عن السعر المعلن ده غير أنه ممنوع أي مظاهر احتفالية صاخبة زي الصوتيات والألعاب النارية وغيرها، وبيكون فيه تأمين يتراوح ما بين 10 حتى 20% بيتم استرجاعها بعد عقد القران لو مافيش تلفيات.
وأغلى مسجد حاليًا في عقد القران وسعره 20 ألف جنيه هو صحن مسجد محمد علي بالقلعة، وبيكون لعدد 200 فرد كحد أقصى.
وبسعر 10 آلاف جنيه وبحد أقصى 200 فرد وكل 100 فرد زيادة بيكونوا بـ3000 جنيه تقدروا تحجزوا مساجد:
الحاكم بأمر الله بشارع المعز.
مسجد أحمد بن طولون السيدة زينب.
مسجد الرفاعي بالخليفة.
مسجد السلطان حسن بالخليفة.
مقترح
مطاعم
من شيف 3D لمطعم بيلف فوق القاهرة.. اكتشف 5 من أكثر تجارب الطعام تميزًا في القاهرة
الأهرامات القاهرة +7
صحة ولياقة
