5 محلات بتقدم أحلى عصير في القاهرة
أفضل محل عصير في القاهرة عصير فريش عضائر طبيعية محلات عصير
Mohamed Talaat
العصير الطبيعي من أهم المشروبات اللي لازم تكون موجودة في نظامنا الغذائي، وبننصحكم تتعودوا على ده، لأن المياه والعصير بيدوا الجسم كل الفيتامينات اللي بيحتاجها، ورغم أننا بنشجع العصير البيتي إلا أننا عارفين أن كتير مننا ظروف وقتهم ماتسمحش بعمل العصير في البيت، وعلشان كده هنحاول نجمع لكم 5 محلات عصير بتقدم خدمة كويسة وجودة عالية علشان تقدروا تشتروا منهم عصير يروي العطش ويديكم الطاقة والفيتامينات.
فرغلي
من أشهر أماكن بيع العصير الطازجة وعندهم دايمًا افتكاسات جديدة وجودتهم عالية وشعارهم “عيش طعم الانتعاش”.
العنوان: 71 جامعة الدول العربية – المهندسين.
وتقدروا تعرفوا أكتر عنهم من خلال صفحة الفيسبوك من هنا.
السندباد
على الرغم من أنه جديد في السوق مش على قديمه إلا أنه قدر يكون له مكانة كويسة ويتفوق على منافسين كتير في الجودة والخدمة.
العنوان: 33 شارع قصر النيل تقاطع شارع شريف – وسط البلد.
تقدروا تعرفوا أكتر عنهم من خلال صفحة الفيسبوك من هنا.
المدينة المنورة
رغم أنهم بيقدموا حلويات شعبية إلا أنهم نجحوا يكونوا مميزين في العصائر اللي بتروي العطش وجودتها عالية.
العنوان: 31 شارع شمس الدين الذهبي، أرض الجولف – مصر الجديدة.
تقدروا تعرفوا أكتر عنهم من خلال صفحة الفيسبوك من هنا.
سيتي درينك
أكتر محل عصير نعرفه عنده فروع (مش كلها تابعة للفرع الرئيسي) وهو من المحلات اللي أثبتت جدارة في مجال العصائر الطازة والافتكاسات الحلوة كمان.
العنوان: 5 عمارات رابعة الاستثماري أمام الجامعة العمالية – مدينة نصر.
تقدروا تعرفوا أكتر عنهم من خلال صفحة الفيسبوك من هنا.
فاميلي درينك
من كتر المشروبات اللي بيقدموها مش هتعرفوا تختاروا إيه ولا إيه، وعندهم “رضعات” مختلفة بأسماء عجيبة.
العنوان: 5 أبراج بدر بجوار سيراميك كليوباترا وأمام كارفور المعادي.
تقدروا تعرفوا أكتر عنهم من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
