5 افتكاسات تاكل بيهم تودو براونيز الجديدة
Mohammed Sabry
من ساعة ما تودو براونيز الجديدة نزلت في السوق، والناس خلاص اتجننت بطعمها. بقى في اللي بياكلها في ال 3 وجبات وبين الوجبات وتقريبا طول اليوم. وده خلى الشباب على السوشيال ميديا يفتكسوا طرق جديدة ومبتكرة عشان تاكل بيها تودو براونيز. تعالوا نعرف إيه هي الطرق دي وبتتعمل إزاي:
تودو في الفرن
سخن الفرن بتاعك لمدة 10 دقايق على درجة 200 مئوية.
حط اتنين تودو جنب بعض، ودخلهم الفرن من دقيقتين لتلاتة.
خرجهم هتلاقيهم قرمشوا من برة وسايحين من جوة.
بولة أيس كريم فانيليا حلوة كده.
حط بقى شوية مكسرات من فوق أو جوز هند أو سوداني. وروق نفسك.
تودو على السريع
حط واحدة تودو في الميكروويف لمدة 30 ثانية.
كوباية لبن وكده جبرت أوي.
تودو freeze
هات خمسة ستة كده، وارميهم في الفريزر وانساهم. لما تاكلها هتلاقيها chewy كده وبترطب عليك. يفضل بعد أكلة مسبكة.
تودو shake
خلاط ماما
عدد 1 تودو + 4 مكعبات ثلج + نص كوباية لبن + سكر. واضرب.
للناس الهيلثي:
شيل الثلج وحط frozen fruits
زود موزة.
للناس اللي مش هيلثي:
شيل الثلج وحط أيس كريم.
تودو sandwich لأصحاب المزاج الرايق
هات 2 تودو وافتحهم، اعمل الفروست اللي في الفيديو ده، وافرده في النص، كده انت في السليم.
كده نقول لكم bonne appétit واحنا متطمنين.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
