Cairo 360
الأم هي أحلى حاجة في الدنيا دي، هي حنان البيت والدفى، وحتى لو ممكن ردود أفعالها تبقى عنيفة أو قوية أحيانًا ده بيكون دايما لمصلحة أولادها من وجهة نظرها. ولأن كل عيد أم الناس بتفكر في نفس الهدايا ونفس طقم الكوبايات اللي ممكن في مرة يتكسر فوق دماغ اللي هيشتريه، قررنا نجيب لكم أفكار مختلفة ممكن تسعد الأم.
تذاكر لحفلة بتحبها
يوم وراء يوم الضغوط والمسئوليات بتاخد من حياة الأم، وبتنسى تستمتع بحياتها، وتروح حفلة لمطرب أو مطربة بتحبهم. وهنا دورك في توفير أكتر حاجة مامتك بتحبها وممكن تسعدها. شوف أكتر مطربة أو مطرب مامتك بتحبه، واعزمها على حفلة له.
يوم في صالون تجميل
الأمهات في نظرنا دايمًا حلويين، ده ما يمنعش أنك تحجز لمامتك يوم تدلع فيه نفسها بمساج أو ماسك للوش أو تسريحة جديدة، تحس بيها إنها سعيدة، ولسه صغيرة.
داي يوز في فندق
هنا بقى لازم نعترف إن دوشة الأطفال أو الحياة الروتينية بعد ما الولاد بيتجوزوا بتزعج أي حد، علشان كده لما تحجز لمامتك يوم في أي أوتيل هتكون في منتهى السعادة خاصة لو مع أصحابها أو أكتر ناس بتحبهم.
كارت للتسوق
مافيش ست في الدنيا مش بتحب تشتري، سواء لبس أو اكسسوارات أو حاجات للبيت لما تحط مبلغ علشان مامتك تشتري بيه اللي هي عاوزاه أكيد هتكون مبسوطة.
سيشن يوجا
اليوجا من التمارين اللي بتساعد على الاسترخاء والتأمل ودي حاجة أي ست بتكون محتاجاها بعد فترة طويلة من الضغط والجري وراء مسئوليات البيت.
كل عيد أم وكل ست مصرية بخير.
مقترح
الحياة في كايرو
3 أماكن في القاهرة لتعلم فنون الطهي.. طلع الشيف المحترف اللي جواك
ازاي تبقى شيف محترف اماكن تعليم الطبخ في القاهرة +4
فن وثقافة
