3 أماكن لخروجة صيفية بطعم التاريخ
بيت السحيمي جامع الأقمر خروجات في القاهرة متحف الفن الإسلامي
Cairo 360
القاهرة أرض الحضارة والتاريخ والجمال الأصيل، وفي أيام الصيف بتحلى العاصمة المتمردة وبتكون أجمل، وبتحلى فيها زيارة الأماكن التاريخية واللي بيكون طعمها مختلف. تعالوا نتعرف على 3 أماكن في القاهرة يستحقوا الزيارة في أيام الصيف، وأكيد هتلاقي فيهم التاريخ والسكينة والسلام النفسي وأكثر!
بيت السحيمي
بيت السحيمي أو بيت الشيخ عبدالوهاب الطبلاوي هو بيت عربي بيتميز بمعمار شرقي مدهش. موجود في حارة الدرب الأصفر المتفرعة من شارع المعز لدين الله الفاطمي بحي الجمالية في قلب مدينة القاهرة، وتسمية البيت بترجع لآخر شخص عاش فيه، وهو الشيخ محمد أمين السحيمي شيخ رواق الأتراك بالجامع الأزهر.
شهد البيت عملية تجديد شاملة في فترة التسعينيات، ومن وقتها بتحصل فيه أنشطة جميلة، خصوصًا في شهر رمضان.
متحف الفن الإسلامي
متحف الفن الإسلامي بيعتبر أكبر وأول متحف في العالم بتتجمع تحت قبته كمية ضخمة من الآثار الأسلامية، وبيحتوي على 100 ألف قطعة أثرية إسلامية منها أسلحة الملوك وأدوات زينة الأميرات وميداليات تكريم أبطال الحروب ودعاوى أفراح السلاطين وغيرها.
مسجد الأقمر
زيارة مسجد الأقمر تجربة جميلة لازم تخوضها في يوم. مسجد الأقمر بيعتبر أصغر مسجد في القاهرة والوحيد اللي بينخفض مستواه عن سطح الأرض.
