13 نشاط هيكونوا أجمل في حضن نيل القاهرة
أنشطة على نيل القاهرة خروجات اقتصادية خروجة في النيل ممشى أهل مصر هوايات تمارسها عند النيل
Cairo 360
رنا شرف
الصور: كايرو 360
نيل القاهرة له عشاق كتير، سواء مصريين أو حتى من العالم كله. النهاردة هنعرفكم على 13 نشاط ممكن تمارسوهم في حضن النيل أو بالقرب منه، ليه رقم 13؟ ده بمناسبة مرور 13 سنة على انطلاق موقعكم كايرو 360.
الصيد
لو بتحب الصيد يبقي الوقفة على أي كوبري بالقرب من نيل القاهرة هو متعتك الحقيقية. الصيد علي شط النيل له طعم مختلف، وأكيد أي سمكة هترخ لك هيكون طعمها تحفة.
مركب في النيل
لو بتحب تكون في حضن نيل القاهرة، يبقي مركب صغيرة أو حتي كبيرة، تكون فيها أنت وأصحابك هتبقى هي السعادة.
التمشية علي كوبري
أنك تتمشى علي الكوبري وتستمتع بالهواء والجو الحلو، دي نعمة كبيرة هتحس بجمالها لو وقفت على كوبري المانسترلي مثلًا.
مطعم علي النيل
إحنا مش هننسى عشاق الأكل، وعندكم مطاعم كتير علي النيل، خصوصًا في الزمالك وعلى كورنيش المعادي، نفسكم هتتفتح بجد.
حمص الشام على الكوبري
كوباية حمص شام علي الكوبري وأنت باصص على النيل، هي دي المتعة الحقيقية.
نايل تاكسي
النايل تاكسي رحلة جميلة في النيل، نايل تاكسي موجود في المعادى والمنيل وممشى أهل مصر والزمالك.
رياضة التجديف
رياضة جميلة مرتبطة بالنيل، ولها عشاق كتير، لازم تجربوها في يوم.
كرة شفافة في النيل
فيه مكان جميل في قلب نيل القاهرة اسمه الكامبو، بيوفر كرة شفافة بتدخل جواها وتاخد لفة في النيل. مغامرة ممتعة عاوزة اللي قلبهم جامد.
التأمل
نشاط التأمل بيكون أجمل وأنت بتبص على النيل، التأمل حاجة مفيدة للصحة النفسية.
زيارة لحديقة الفنون
من الحدائق الجميلة المطلة علي النيل ورسم الدخول فيها بسيط 10 جنيه بس، وهي في منطقة المنيل.
ممشى أهل مصر
ممشى أهل مصر المطل علي النيل هو تجربة ممتعة وصعب تنساها، ننصحكم تتمشوا هناك مرة كل أسبوع.
القراءة علي النيل
ممكن تختار كتاب حلو وتروح تقرأه سواء في ممشى أهل مصر أو في أي مطعم أو كافيه مطل علي النيل.
التصوير
لو بتحب التصوير خد كاميرتك أو تليفونك وروح نيل القاهرة، هتلاقي تفاصيل كتير هتكون في النهاية صور جميلة، ومين عارف يمكن تأخذ جائزة في التصوير بسبب جمال النيل.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
