The Definitive Guide to Living in the Capital , Cairo , Egypt

متطلبات الزواج كتير، وبما أن الصيف في مصر بيشهد أكبر نسبة زواج فأكيد كتير من المقبلين على الزواج بيدوروا على تجهيزات كتير زي القاعة والتصوير والفستان والكوافير والحفلة وغيرهم من الحاجات اللي بتحتاج يدققوا في كل تفصيلة فيها وهي مرهقة ومتعبة للطرفين وأهلهم، وده علشان تبقى ليلة العمر من ألف ليلة وليلة، ودلوقتي ظهر أبليكيشن ويدنجو اللي بيوفر كل الاحتياجات الخاصة بالزواج وهيسهل عليكم كتير باختيارات مختلفة، وخلال السطور اللي جاية هنقولكم على كل اللي محتاجين تعرفوه عن الأبليكيشن.

ويدنجو هو أول أبليكيشن لحجز وتقسيط الخدمات الرئيسية للأفراح في مصر، وبيقدم حجز لقاعات الأفراح والفساتين والبدل والميكاب آرتست والفوتجرافر وعربيات الزفة والبيوتي سنتر وكمان دكاترة التجميل والأسنان ورحلة شهر العسل والمغنيين والدي جي وفرق الزفة، وبيوفروا مساعد خاص للعملاء علشان يساعدوهم يختاروا الأفضل لهم ولبكون معاهم خطوة بخطوة.

الأبليكيشن بيهدف إلى حل مشاكل الزواج اللي بتواجه الشباب وغلاء الأسعار، علشان كده وفروا برامج تقسيط مختلفة عن طريق شركات التقسيط المختلفة زي فاليو وحالًا وأمان وكونتكت وسهولة وغيرهم، وكمان عن طريق البنوك اللي بيوصل تمويلها لمليون جنيه وبالتقسيط على 48 شهر، ده غير شراكتهم مع بنك مصر بأقل فائدة ممكنة.

وحسب القائمين على أبليكيشن ويدنجو أنه ظهر بعد دراسات أكدت أن تأخر سن الزواج زاد آخر 5 سنين بنسبة 35%، ومتوسط تأجيل الأفراح بسبب المصاريف وصل لـ6 مرات، وترتب عليها زيادة فترة الخطوبة، وهنا فكروا في الأبليكيشن علشان يحل المشاكل دي ويطلق مبادرة “متأجلش فرحك”، وبيوفروا في المبادرة باكدجات للأفراح بجودة عالية وأسعار في المتناول، تبدأ من 30 ألف جنيه شاملة القاعة والبوفيه والفستان والمصور والميكب أرتست وعربية الزفة، وكمان ممكن  تقل عن كده من خلال دعم الشركاء اللي بيقدموا مساعدات للشباب المقبلين على الزاوج والتسهيل عليهم والحد من الضغوط.

تقدروا تحملوا أبليكيشن ويدنجو لموبايلات Ios من هنا.

ولو أنتوا من مستخدمي نظام Android من هنا.

ومستخدمي هواوي تقدروا تحملوا التطبيق من هنا.

أو زوروا موقعهم الالكتروني من هنا.

ولو عاوزين تعرفوا أكتر عنهم زوروا صفحة الفيسبوك من هنا.

أو الاتصال بالخط الساخن رقم: 0221247777