هل فعلًا أسعار تذاكر المترو هتزيد قريب؟
Cairo 360
ناس كتير من أهالي القاهرة بتستخدم مترو الأنفاق في تنقلاتها، ومؤخرًا انتشرت أخبار من مصادر مختلفة عن زيادة جديدة في تذاكر مترو الأنفاق.. هل فعلًا فيه زيادة قريب؟ كايرو 360 هتقول لكم.
نتفق أولًا أن لحد اللحظة دي سعر تذكرة المترو ثابت (جنيه واحد) لكن بعد شهر يناير الجاي هيكون فيه زيادة في الأسعار بنظام عدد المحطات، يعني كل ما عدد المحطات الخاصة بك هيزيد كل ما تذكرتك هتبقى أغلى، بحد أدني جنيه ونصف لأقل من 9 محطات.
لكن الزيادة دي هتحصل إمتى؟ زي ما قولنا لكم مش قبل يناير 2017.. لانه ببساطة ماكينات الدخول والخروج الحالية مش مناسبة لنظام عدد المحطات.. وبحسب تصريح خالد صبرة رئيس المترو للدعم الفنى والصيانة لموقع صدى البلد الإخباري فمصر بالفعل تعاقدت مع شركة فرنسية على توريد ماكينات ذكية وهتوصل مصر في يناير 2017 يعني باقي حوالي شهرين على زيادة أسعار المترو.
مقترح
الحياة في كايرو
استخراج جواز سفر مستعجل في نفس اليوم.. اعرف الأوراق المطلوبة والرسوم
إجراءات استخراج جواز السفر لأول مرة استخراج جواز السفر المستعجل 2024 +10
الحياة في كايرو
