هتصلي العيد فين؟ خمس مساجد هتحس فيهم ببهجة العيد
Nagla Ashraf
العيد مش بس في الكحك ولمة العيلة على الفطار، كمان فيه فرحة خاصة في صلاة العيد ورؤية الصحاب والقرايب في الصلاة وبعد الصلاة، وفي الفترة الخيرة بقى فيه مساجد كتير في القاهرة بتحب تفرح الناس بتوزيع بلالين وشودكولاتة ولعب للأطفال.
فحبينا ننصحكم ب5 مساجد هتحسوا فيهم بروح عيد مختلفة:
مسجد الصديق
مسجد الصديق في مساكن شيراتون، معروف إن كل سنة في العيد بينزل من على سطحه عدد مهول من البلالين علشان يفرح الناس.
مسجد الحاكم بأمر الله
من المساجد اللي سحرها لا يقاوم في شارع المعز، والسقف المفنوح بتاعه بيخلي الصلاة فيه لها طعم تاني.
مسجد السلطان حسن
برضه بيكون فيه توزيع وبيع بلالين في الممر المؤدي لمسجد السلطان حسن واللي بيكون الهواء فيه منعش ومبهج.
تصوير مصطفى درويش
مسجد مصطفى محمود
من المساجد المشهورة بصلاة العيد، هتقابل فيها ناس كتير من كل المستويات والثقافات، تجربة ممتعة.
مسجد الأزهر
في منطقة الحسين، من المساجد المريحة للأعصاب واللي برضه مفتوحة، وبيكون لها طعم خاص في صلاة العيد.
