The Definitive Guide to Living in the Capital , Cairo , Egypt

صندوق الإسكان الاجتماعي ودعم التمويل العقاري هيعلن النهاردة، الثلاثاء 18 مارس 2025، عن نتيجة شقق الإسكان الاجتماعي 2025 – سكن لكل المصريين 5، للمواطنين من محدودي ومتوسطي الدخل، بعد الانتهاء من فرز ملفات المتقدمين.

طرق الاستعلام عن نتيجة شقق الإسكان الاجتماعي 2025

تقدر تعرف نتيجتك بثلاث طرق بسيطة:

1. رسالة SMS: هتوصلك رسالة على رقمك المسجل، بتوضح حالة طلبك، سواء كان مستوفيًا للشروط أو لا، مع تفاصيل الخطوات الجاية.
2. الموقع الإلكتروني: تقدر تدخل على موقع صندوق الإسكان الاجتماعي ودعم التمويل العقاري وتعرف النتيجة مباشرة.
3. الرسائل النصية: ابعت رسالة برقمك القومي على 9311 وهيجيلك الرد بحالة طلبك.

مواعيد التظلمات على نتيجة شقق الإسكان الاجتماعي

لو طلبك مش مستوفي للشروط، تقدر تقدم تظلم من يوم 23 مارس لحد 24 أبريل 2025، وتقدم المستندات المطلوبة أو تصحح بياناتك علشان تفضل ضمن المبادرة.

مين ليه الأولوية في الحجز؟

الأولوية بتكون بالشكل ده:

• المتزوج ويعول
• الأرمل/الأرملة ويعول
• المطلق/المطلقة ويعول
• المتزوج بدون أولاد
• الأعزب (بما فيهم المطلق أو الأرمل اللي مش بيعول)

ولو كان في تساوي بين المتقدمين، الأولوية بتكون للأكبر سنًا.

بعد إعلان النتيجة.. إيه الخطوة الجاية؟

• غير المستوفين للشروط: يقدروا يستردوا المبلغ اللي دفعوه خلال 14 يوم من إعلان النتيجة.
• المقبولين: بيتم ترتيبهم حسب الأولوية المتاحة لكل مدينة.
• المتقدمين اللي خارج الأولوية: هيتم إخطارهم لاسترداد الفلوس المدفوعة خلال 30 يوم.