هتستمتع من غير زن.. مطاعم وكافيهات في القاهرة لخروجة مميزة مع أطفالكم
خروجة مناسبة للأطفال كافيه للكبار والأطفال مطاعم كيدز ايريا
Cairo 360
خروجات كتير بتبوظ علشان مافيهاش كيدز إيريا، وفيه أوقات بنكون محتاجين نخرج وبتبقى المشكلة هي وجود أطفال معانا، لكن دلوقتي الموضوع بقى سهل وبسيط علشان كتير من الكافيهات والمطاعم بتعمل كيدز إيريا في المكان علشان الأهالي تطمئن على أولادها وفي نفس الوقت يقضوا وقت لطيف، وخاصة أن الأطفال دايمًا بيدوروا في الخروجة على مساحات للعب والجري والانبساط، غير الكبار اللي بيدوروا على مشروب حلو وطبق أكل مميز وروقان مع شلة أصحاب، وعلشان كده هنعرفكم على 3 مطاعم هيجمعوا الميزتين للكبار والصغار في نفس الوقت.
Bell’s
مطعم جميل بيقدم أطباق عالمية وسلاطات مميزة وحلويات من المطابخ العالمية المختلفة، وإلى جانب ده بيوفر “كيدز إيريا” كبيرة ومميزة للأطفال ودي حاجة هتخلي الأطفال تستمتع وفي نفس الوقت هتنبسطوا أنتم كمان لانبساطهم، والمكان فيه أوت دور مميز بنحب دايمًا نقعد فيه لما يكون معانا أطفال.
العنوان: 12 أ ميدان مصطفى كامل المعادي.
رقم التليفون: 01093077077.
تقدروا تعرفوا أكتر عنهم من خلال صفحتهم على فيسبوك من هنا.
CHILI’S
بيقدم أكلات مميزة ومختلفة مع وجود كيدز إيريا هتساعدكم في الاستمتاع بالطعام والأطفال هينبسطوا من اللعب، وفي معظم الفروع ديكوراته واحدة ومميزة وبيتميز بنافورة المياه اللي بتتوسط الترابيزات في قعدة مريحة نفسيًا.
العنوان: شارع الميرغني – خلف سنترال ألماظة – مصر الجديدة.
رقم التليفون: 19002
تقدروا تعرفوا أكتر عنهم من خلال صفحتهم على فيسبوك من هنا.
الكوفي
من الكافيهات المميزة في الشيخ زايد اللي بتقدم قعدة ملوكي مع كيدز إيريا، والخدمة عندهم حسب الريفيوز متميزة، وأكيد هنجربه قريب علشان نقولكم رأينا، بس هما عندهم ديكورات مختلفة والقعدة هناك جميلة.
العنوان: جرين بارك – الممشى السياحي – الشيخ زايد.
رقم التليفون: 01090184024
تقدروا تعرفوا أكتر عنهم من خلال صفحة الفيسبوك من هنا.
