معارض فنية وعروض مسرحية وحفلات موسيقية وأكثر.. أحلى خروجات في الويك إند
أنشطة فنية وثقافية اخبار القاهرة تروح فين في الويك إند ثقافةن أخبار مصر حفلات فنية في القاهرة خروجات خروجات في القاهرة خروجات نهاية الاسبوع فن معارض فنية في القاهرة
Cairo 360
لو بتدور على خروجة مميزة في الويك إند، جايين لك النهاردة بأجندة حافلة بأجمل الفعاليات الفنية والثقافية اللي هتحصل في القاهرة. سواء كنت بتحب العروض المسرحية، الحفلات الموسيقية، أو المعارض الفنية. في السطور الجاية، هتلاقي كل اللي ممكن يعجبك علشان تقضي ويك إند ممتع ومليان نشاطات هتحب تجربها!
الخميس 28 نوفمبر 2024
جاليري أرت توك هيستضيف معرض لأهم أعمال الفنان التشكيلي الراحل كمال يكنور، اللي يعتبر من رواد المدرسة المصرية المعاصرة. المدرسة دي بتستلهم فنها من البيئة والتراث، وبتعكس روح الفلكلور في كل تفاصيلها. المعرض هيفضل شغال لحد الخميس 5 ديسمبر.
تفاصيل أكثر هنا.
ما تفوتش زيارة معرض “اطلع للنور” للأعمال اليدوية اللي معمول بإيدين مصرية في سوق الفسطاط بمصر القديمة. المعرض هيكون من الخميس للسبت 28-30 نوفمبر، مفتوح من 10 الصبح لـ9 بالليل، والدخول ببلاش.
تفاصيل أكثر هنا.
استمتعوا بالعرض المسرحي الموسيقي “هحبك زي ما أنت.. لو اتغيرت”، اللي بيناقش الحب والعلاقات بطريقة كوميدية خفيفة وظريفة. العرض هيكون على مسرح الريحاني في وسط البلد يوم الخميس والجمعة 28 و29 نوفمبر الساعة 8 بالليل.
تفاصيل أكثر هنا.
الجمعة 29 نوفمبر 2024
استمتعوا بسهرة من أحلى أغاني الزمن الجميل مع الموسيقار عمر خيرت في قاعة باسيلي بالجامعة الأمريكية في التجمع، يوم الجمعة 29 نوفمبر الساعة 7:30 بالليل.
تفاصيل أكثر هنا.
الدي جي نورية هتعمل حفلة موسيقية مميزة في كايرو جاز كلوب 610 في الشيخ زايد يوم الجمعة 29 نوفمبر الساعة 8 بالليل. الحفلة هتكون مليانة إيقاعات متنوعة بين الكلاسيكيات العربية، الهاوس، البوب، واللاتيني.
تفاصيل أكثر هنا.
الكوميديان علي قنديل في حفل مميز بعنوان “تفاعل“، هيحكيلنا من خلاله قصص ومغامرات مضحكة من شوارع مصر ولندن، وهياخدنا في رحلة عن العلاقات العاطفية البريئة ومواقف كوميدية ممتعة. الحفلة هتكون على مسرح تياترو أركان في الشيخ زايد يوم الجمعة 29 نوفمبر الساعة 8 بالليل.
تفاصيل أكثر هنا.
السبت 30 نوفمبر 2024
إيه رأيك في الويك إند تزور منطقة سقارة الأثرية بمحافظة الجيزة؟ منطقة سقارة بتعتبر جزء مهم جدًا من جبانة منف القديمة، وبُعدها عن القاهرة حوالي 40 كم. سقارة خدِت اسمها من المعبود “سكر”، اللي كان إله الجبانة. المكان ده مش مجرد موقع أثري، ده متحف مفتوح بيجمع آثار مصر القديمة من كل العصور.
تفاصيل أكثر عن المكان هتلاقوها هنا.
معرض “مطبوعات القاهرة” من كايروبوليتان مستمر إلى نهاية ديسمبر، وبيضم مجموعة من المطبوعات والأعمال الفنية اللي أبدعها أكثر من 180 فنان من مصر والمنطقة العربية. تقدروا تستمتعوا بزيارة المعرض في جاردن سيتي من الساعة 12 ظهرًا وحتى 10 بالليل.
تفاصيل أكثر هنا.
عشاق الموسيقى الراقية على موعد مع حفل أوركسترا القاهرة السيمفوني، واللي هيكون على المسرح الكبير بدار الأوبرا المصرية الساعة 8 مساءً. هتستمتعوا بأجمل الألحان وهترجعوا كلكم حماس وطاقة لأسبوع عمل جديد.
تفاصيل أكثر هنا.
مقترح
معالم وسياحة
رحلة إلى سقارة: اكتشف أسرار التاريخ واستمتع بجولة ماتتنسيش
اثار سقارة ازاي تروح سقارة +4
الحياة في كايرو
