مصر بتستعد لأمم أفريقيا بمحطات مترو جديدة.. ودي مواعيد افتتاحها
أمم أفريقيا مترو الأنفاق محطات جديدة وزارة النقل
Cairo 360
الصور من صفحة وزارة النقل على فيسبوك.
أعلنت وزارة النقل، عن فتح محطات مترو جديدة، بداية من يوم السبت 15 يونيو، وده قبل انطلاق بطولة الأمم الأفريقية اللي هتقام في مصر يوم 21 من الشهر ده، والهدف من المحطات دي هو التهسيل على الجماهير والركاب.
وبحسب الصفحة الرسمية لوزارة النقل على فيسبوك فمحطات (هارون ونادي الشمس وألف مسكن) بالخط الثالث للمترو هتكون مفتوحة أمام الركاب من أول يوم السبت.
ونشرت الوزارة صور محطات الجزء الأول من المرحلة الرابعة للخط الثالث للمترو.
الوزارة قالت كمان إنه تم الانتهاء من فترة التشغيل التجريبي بالمحطات بدون ركاب، وهي المرحلة اللي شهدت إنهاء كافة الاختبارات التشغيلية الخاصة بأنظمة السكة واختبارات كهربة السكة والإشارات وأنظمة السير في المحطات دي.
وبتستعد مصر لاستضافة نهائيات كأس الأمم الأفريقية 2019 واللي فازت بحق تنظيمها بعد تجريد الكاميرون من حق التنظيم، نهاية السنة اللي فاتت.
ودي المرة الخامسة اللي بتفوز فيها مصر بشرف التنظيم بعد أعوام 1959 و1974 و1986 و2006، والأخيرة فازت فيها مصر باللقب القاري للمرة الخامسة.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
