The Definitive Guide to Living in the Capital , Cairo , Egypt

الفترة دي، مصر بتعمل مشاريع عملاقة بتغير وجه العاصمة، ومن أهم المشاريع اللي بتحصل في القاهرة حاليًا تنفيذ خطين مونوريل لربط المدن الجديدة بالقاهرة الكبرى. الخط الأول هو مشروع مونوريل العاصمة الإدارية اللي هيربط بين القاهرة الجديدة ومدينة نصر بطول 56.5 كم، والثاني هو مشروع مونوريل 6 أكتوبر ـ المهندسين بطول 42 كم وهيوصل للخط الثالث للمترو في محطة وادي النيل بالمهندسين، وبتوصل أطوال الخطين لحوالي 97 كم.

 وبتقوم شركة المقاولون العرب بتنفيذ الأعمال الإنشائية وكل الأعمال المدنية لمشروع مونوريل 6 أكتوبر ـ المهندسين، أما شركة أوراسكوم للإنشاءات فبتقوم بالأعمال الإنشائية لمشروع مونوريل العاصمة الإدارية ـ الاستاد، أما شركة ألستوم فهتقوم بتنفيذ وتركيب نظم الإشارات والاتصالات والتحكم وتوريد القطارات اللي هتشتغل في المشروعين بعد تنفيذهم.

وبتبلغ السرعة التصميمية للمونوريل 80 كم/س، وبيتولى تحالف المكاتب الاستشارية الأمريكي المصرى “هيل إنترناشونال” و”حجي جروب” القيام بالأعمال الاستشارية والإشراف على تنفيذ مونوريل العاصمة الإدارية ومونوريل 6 أكتوبر.

 وبدأت الهيئة القومية للأنفاق مؤخرًا في أعمال تنفيذ خط مونوريل العاصمة الإدارية ـ الاستاد، وتنفيذ الخوازيق اللي هتقام عليها المحطات، وهتتكون كل محطة من محطات الخط البالغة 22 محطة من مستويين، مستوى أول أرضي بيضم شبابيك ومكاتب الحجز ومستوى ثاني هيشمل الأرصفة، مع وجود سلالم كهربائية ومصاعد لتسهيل حركة انتقال الركاب خلال استخدام المونوريل.

 وانتهت شركات المقاولات المشاركة في تنفيذ الخطين من حوالي 90% من الخوازيق والأعمدة الخرسانية والكمرات اللي بتكون مسار كل خط مونوريل، كمان متوسط معدلات التنفيذ بالمشروعين بتوصل لحوالي 30%، وبيتم تكثيف أعمال التنفيذ من أجل إنهاء تنفيذ المسار بالكامل ومحطات ونظم الإشارات والاتصالات وبدء تجارب واختبارات التشغيل نهاية 2022.

 وقطارات المونوريل اللي هتشتغل في الخطين هتكون بدون سائق، يعني هيتم التحكم في مسارها آليًا وطبعًا هتكون مكيفة، كمان كل المحطات بطول مسار المشروع هتكون مكيفة.

ومتوقع بدء التشغيل التجريبي للقطارات نهاية 2022، وهتستمر التجارب لمدة 3 شهور بدون ركاب، وهيبدأ بعد كدة التشغيل الفعلي أمام الجمهور.

خط مونوريل العاصمة الإدارية ـ الاستاد

خط مونوريل العاصمة الإدارية ـ الاستاد، هيمتد بأطوال 56.5 كم، وهيضم مساره 22 محطة علوية هتبدأ بمحطة استاد القاهرة بشارع يوسف عباس بمدينة نصر وهيتضمن محطات هشام بركات ونوري خطاب والحي السابع والمنطقة الحرة والمشير طنطاوي وكايرو فيستيفال والشويفات والمستشفى الجوي وحي النرجس ومحمد نجيب والجامعة الأمريكية وإعمار وميدان النافورة والبروة والدائري الأوسطي ومحمد بن زايد والدائري الإقليمي وفندق الماسة وحي الوزارات والعاصمة الإدارية.

وبيجرى تنفيذ المشروع على مرحلتين، وهتمتد المرحلة الأولى من العاصمة الإدارية لحد مسجد المشير بطول 45 كم، وهتمتد المرحلة الثانية لحد محطة الاستاد.

خط مونوريل 6 أكتوبر ـ وادي النيل

أما خط مونوريل 6 أكتوبر ـ وادي النيل، فهيضم 12 محطة علوية هتشمل وادي النيل والطريق الدائري والمريوطية والمنصورية والتقاطع مع طريق القاهرة/ الإسكندرية الصحراوي وهايبر وان وجهينة وهيئة المجتمعات العمرانية والحصري ودار الفؤاد والمنطقة الصناعية والقطار السريع.

إدارة المونوريل

شركة ألستوم العالمية هي اللي هتقوم بتنفيذ نظم الإشارات والاتصالات والتحكم بالمشروعين وهتتولى كمان إدارتهم وتشغيلهم بعد تنفيذهم لمدة 30 سنة، لكم من غير ما تتدخل في تحديد أسعار تذاكره اللي هتكون مسئولية وزارة النقل.