محمد فؤاد ومسلم وتامر عاشور وعلي الحجار وفعاليات أكثر.. هتروح فين في الويك إند؟
حفل تامر عاشور حفل علي الحجار حفل محمد فؤاد حفل مسلم خروجات في اجازة نهاية الاسبوع خروجات في القاهرة سينما زاوية فعاليات ثقافية في القاهرة معارض فنية في القاهرة
Cairo 360
القاهرة معروفة بحفلاتها الحلوة وفعالياتها الفنية والثقافية، اللي بتخلي ليل مدينتنا الساهرة ممتع! ومن بين فعاليات كثيرة هتشهدها مصر في الويك إند، اخترنا لكم الأحلى منها، سواء في القاهرة، أو في مدن سياحية قريبة منها، علشان سهرتك تبقى سعيدة. تعالى معانا نعرفك على أهم الأحداث اللي تستحق تحضرها في إجازة نهاية الأسبوع.
الخميس 28 أغسطس 2024
لو بتحب الطرب الأصيل يبقى أكيد هتنبسط لما تحضر حفل الفنان علي الحجار في الساقية. جهز نفسك لسهرة فنية من الزمن الجميل. والتفاصيل كلها هنا.
ولو بتحب الفن التشكيلي يبقى عندك حدثين مهمين لازم تحضر واحد منهم على الأقل. استمتع بمعرض “رؤى معاصرة” في نسخته الـ17 في المسار جاليري. الدخول مجانًا.. لتفاصيل أكتر هنا. ومن الساعة 10 صباحًا ولحد الساعة 10 مساءً هتقدر تستمتع بمهرجان الصيف الفني في أوديسي آرت جاليري. الدخول مجانًا.. لتفاصيل أكتر هنا.
وعشاق الحضارة المصرية القديمة عندهم موعد للتعرف على تاريخ الأهرامات وتاريخ آثار تاريخية كتير في مصر، وده من خلال عرض الصوت والضوء في الأهرامات.. لو حابب تعرف تفاصيل أكتر اضغط هنا.
الجمعة 29 أغسطس 2024
اثنين من نجوم الفن من جيلين مختلفين هيتجمعوا في سهرة حلوة في نوتش بيتش، وهما الفنان مسلم والفنان محمد فؤاد. أكيد هتكون حفلة حلوة! اعرفوا كل التفاصيل من هنا.
لو بتحب الفيلم الرومانسي الكلاسيكي في شقة مصر الجديدة، اللي قام ببطولته خالد أبو النجا وغادة عادل، يبقى لازم تشوف نسخته اللي جودتها أعلى في سينما زاوية. سعر التذكرة 100 جنيه.. لتفاصيل أكتر هنا.
اوعى يفوتك حفل ليلة التجلي المولوي في مركز الربع الثقافي. سعر التذكرة هيبدأ من 200 جنيه.. لتفاصيل أكتر هنا.
وتقدر تظهر موهبتك في الغناء في حفلة كايروكي في رووم آرت سبيس الساعة 8 مساءً بسعر تذكرة يبدأ من 100 جنيه.. التفاصيل كاملة هنا.
ولو حابب تهرب من القاهرة لمكان أجمل علشان فيه بحر، يبقى استمتع بمسرحية”برقع الحيا” على المسرح الروماني في العلمين الجديدة.. لتفاصيل أكتر هنا.
السبت 30 أغسطس 2024
عشاق الفنان تامر عاشور عندهم سهرة خاصة جدًا هيسمعوا فيها أجمل أغانيه، وده في منتجع بورتو سعيد الساعة 8 مساءً. لتفاصيل أكتر اضغطوا هنا.
ولو بتحب تجرب حالات فنية مختلفة، يبقى مهم تحضر الحفل المميز لعز الأسطول في قبة الغوري.. لتفاصيل أكتر اضغطوا هنا.
وهتقدر تكتشف روائع الحرف اليدوية المصنوعة بأنامل سيدات مصريات في معرض كنوز للحرف اليدوية بسينما راديو. تفاصيل أكتر هنا.
وأخيرًا..
بنتمنى لكم ويك إند سعيد يا أهل القاهرة، وماتنسوش تتابعوا دائمًا الفعاليات الفنية في القاهرة وخارجها في أجندة أحداث كايرو 360.
مقترح
القاهرة بالليل
جدول حفلات الدورة الـ17 لمهرجان سماع الدولي للإنشاد والموسيقى الروحية
أماكن تاريخية إنشاد ديني +7
الحياة في كايرو
