متوفر حاليًا.. كل اللي محتاج تعرفه عن مصل الأنفلونزا 2023
أماكن توافر مصل الأنفلونزا الانفلوانزا الموسمية المصل دور برد سعر مصل الأنفلونزا شتاء شراء مصل الأنفلونزا فاكسين مصل الأنفلونزا 2023 مصل الانفلونزا
Mohamed Talaat
وزارة الصحة أعلنت رسميًا عن توافر مصل الإنفلوانزا الموسمية 2023. في الموضوع ده هنعرفكم على أسعار المصل، وموانع استخدامه وأهم أماكن تواجده في القاهرة.
السنة دي مصل الأنفلونزا متاح لكل الأعمار بداية من 6 شهور ولحد 65 سنة، وكمان هو غير ضار لأصحاب الأمراض المزمنة زي “السكر – القلب – أمراض الصدر – الكبد – الكلى”، ومناسب كمان لمرضى المناعة الضعيفة، واللي عملوا عمليات قبل كده، وحتى الآن مافيش أي موانع لاستخدام المصل للحوامل والعاملين بالمجال الصحي عمومًا.
لكن المصل ممنوع لأي حد له تاريخي صحي سلبي مع استخدام مصل الأنفلونزا الموسمية، أو ظهرت عليه أي آثار جانبية، أو اللي عندهم حساسية من مكونات المصل.
فوائد المصل:
1. حماية ٨٠٪ من الأنفلونزا الفيروسية الموسمية.
2. بيقلل حدة الأعراض.
3. يقصر مدة الأعراض.
4. والأهم إنه بيمنع المضاعفات.
مصل الإنفلوانزا الموسمية متوفر حاليًا في الصيدليات الكبرى، ومتوفر كمان في “المصل واللقاح” وفروعها التابعة لشركة “فاكسيرا” ومكاتب وزارة الصحة والمستشفيات الحكومية.
سعر المصل السنة دي لنوع “INFLUVAC TETRA” هو 190 جنيه.
أما بخصوص فروع المصل واللقاح بالقاهرة اللي متوافر فيها المصل فهي:
المركز الرئيسى: 51 ش وزارة الزراعة، العجوزة، والفرع ده بيشتغل طوال أيام الأسبوع من 9 صباحًا لـ9 مساءً.
فرع نادي الشمس: شارع عبد الحميد بدوي – بوابة 2
فرع نادي القطامية الرياضي، التجمع الخامس.
مركز تطعيمات المعادي: نادي المعادي (خاص بالأعضاء فقط).
نادي 6 أكتوبر أمام البوابة الرئيسية لجامعة 6 أكتوبر.
مركز تطعيمات الرحاب: فيلا 102- 103 شارع أحمد شوقي خلف المول التجاري (1) بجوار سينما الرحاب.
مطار القاهرة: صالة 2.
نادي الزهور الرياضي فرع مدينة نصر – شارع يوسف عباس.
نادي الزهور فرع القاهرة الجديدة – منطقة المستثمرين الجنوبية – أمام جامعة المستقبل.
