ماعندكش وقت للسفر؟ 3 أماكن في القاهرة هتحس فيهم بمتعة المصيف ومش هتدفع كتير
الريف العربي حمامات سباحة في القاهرة داي يوز في القاهرة قرى سياحية في القاهرة قرية العزبة نايل كونتري كلوب
Mohamed Talaat
أحيانًا الشغل أو بعض الالتزامات التانية بيمنعونا من السفر والاستمتاع بالصيف خارج القاهرة، وبيكون الحل هو إننا نلاقي مكان قريب نقضي فيه يوم من أيام الويك إند ننبسط ونبلبط في حمام السباحة وبعدها نرجع تاني للشغل مليانين طاقة وحماس وحب للحياة.. في الموضوع ده هنعرفكم على 3 أماكن في القاهرة ممكن تقضوا فيهم “داي يوز” لطيف وبسعر على قد الإيد.
نايل كونتري كلوب
مكان لطيف في القاهرة، قريب جدًا من كورنيش المعادي، بيتميز بمساحة واسعة وفيو مدهش على النيل، وعندهم حمام سباحة كبير جدًا مناسب للكبار، وحمام سباحة تاني مناسب للأطفال، وبعض الألعاب المائية الممتعة.
المكان فيه كمان مجموعة ملاعب رياضية لعشاق كرة القدم.
تقدروا تقضوا يوم كامل في “نايل كونتري كلوب” وترجعوا لشغلكم تاني ومش هتدفعوا مبلغ كبير، والأهم إن المكان بيطبق كل الإجراءات الاحترازية لحمايتكم من كورونا.
العنوان: كورنيش النيل – الدواجن – حدائق حلوان.
للحجز والاستعلام: ٠١٠٦٩٠٠٧٧٧٢ / ٠١٠١٩٩٩٨٩٦٦
وتقدروا تتعرفوا على المكان أكتر من خلال صفحتهم على الفيسبوك من هنا.
العزبة
كل الأجواء الريفية هتلاقوها في قرية العزبة، وتقدروا تتمشوا وسط الخضرة الجميلة، وتستخدموا حمام السباحة، وتاكلوا أكل فلاحي زي الفطير المشلتت والعسل والمش على الإفطار، وده غير الغداء الفلاحي المتنوع، وكمان عندهم ركوب خيل وجمال وألعاب أطفال وشو عرائس وأراجوز.
والداي يوز في قرية العزبة سعره مناسب جدًا، وملتزمين تمامًا بكل سبل الوقاية والتعقيم.
العنوان: الجيزة – طريق سقارة – بعد نقطة مرور شبرامنت.
للحجز والاستعلام: 01223444344 – 01010003070
وأعرفوا أكتر عن التفاصيل من خلال صفحة الفيسبوك من هنا.
الريف العربي
المميز في قرية الريف العربي إنه فيها أكوا بارك للكبار والأطفال، وكمان الفطار فلاحي والغداء مشويات وتقدروا تغيروا وتطلبوا حمام أو بط متربيين في خير الريف، وطبعًا حمامات سباحة لكل الأعمار، وكل ده بسعر على قد الإيد.
وكمان عندهم ركوب جمال وخيل وسينما 7D وستوديو تصوير بالملابس التاريخية، وألعاب صلصال ورسم حنه بأسعار رخيصة.
العنوان: المريوطية – طريق سقارة السياحي – شبرامنت – بعد معهد المدينة.
للحجز والاستعلام: 01211113182
وتقدروا تحجزوا أو تعرفوا كل التفاصيل من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
