The Definitive Guide to Living in the Capital , Cairo , Egypt

لما يكون موضوعنا عن الخروجات في القاهرة هنلاقي أن الاختيارات الموجودة –بعيدًا عن الأكل والشرب– محدودة جدًا ولازم نعمل مجهود كبير علشان نكتشف حاجة جديدة، قدرنا نلاقي في كايرو فيستيفال سيتي حاجة مختلفة نوعًا ما وهي "ماجيك بلانيت"، صحيح الموضوع في الأول شكله مناسب لعيد ميلاد "طفل"، لكن أكيد المكان هناك بيقدم ترفيه رائع للكبار كمان.

ماجيك بلانيت عبارة عن دورين داخل كايرو فيستيفال سيتي مقسمين لملاهي أطفال ومنطقة ألعاب، والمغامرة هناك تبدأ بدفع 5 جنيه قيمة تذكرة الدخول وبتدفع مبلغ إضافي لكل لعبة ما بين 9 و35 جنيه، ماجيك بلانيت بتقدم اختيار ثاني وهو بطاقة VIP –مشحونة بقيمة 1500 جنيه– علشان مدمني اللعب اللي عاوزين خصومات على سعر الألعاب.

منطقة الألعاب الرئيسية للأطفال في ماجيك بلانيت تشمل عدد من ألعاب الركوب زي الطيارات والحيوانات ومراكب على شكل بطة، وكمان لعبة السيارات المتصادمة والترامبولين ومراجيح ولعبة XD simulator مناسبة للأطفال من سن 10 سنين وأنت طالع.

 منطقة الألعاب فيها ألعاب simulation أكثر، منها طيارة وموتوسيكل مع ألعاب عربيات رائعة زي عربية بات مان، لكن المشكلة كانت أن مافيش ألعاب الفيديو  المعروفة زيMortal Kombat  و Street Fighterودي حاجة محبطة جدًا وكمان  التنوع في الألعاب مش كبير.

نروح لمنطقة ألعاب ثانية فيها ماكينة كبيرة للعبة Connect Four رجعتنا لزمن اللعب الجميل، وكمان لعبةAir Hockey  بس للأسف الترابيزتين الموجودين وقت زيارتنا كانوا عطلانين.

من أحلى الحاجات هناك الألعاب اللي بتجمع فيها تذاكر علشان تكسب بها جوائز، والموضوع فعلاً إدمان وإحنا مش مكسوفين نقول لكم أننا لعبنا كل حاجة تقريبًا، من لعبة كرة السلة المصغّرة وSkee-Ball، لغاية لعبة اسمها Down the Clown، وكمان لعبة الرقص وبصراحة عملنا كل حاجة علشان نكسب التذاكر.

بعدها روحنا على كشك التذاكر علشان نستلم جوائزنا من بين أقلام تلوين وسلسلة مفاتيح على شكلMinions  وبط بلاستيك وهدايا ثانية.

من أغرب الألعاب هناك لعبة Bling King، وهي عبارة عن كشك مليان إكسسوارات وفيه صورة لرجل –غالبًا قواد– ماسك سيدتين لابسين الإكسسوارات دي، منتهى الغرابة بصراحة.

صحيح ألعاب الفيديو قليلة وفيه منهم ألعاب عطلانة، بس أكيد ماجيك بلانيت بتوفر ألعاب ترفيهية روعة، من أول ما دخلنا لغاية ما مشينا والناس هناك كانوا منتهى اللطافة، وصحيح الناس ممكن تشوف المكان أنه ملاهى للأطفال، بس الكبار كمان يقدروا يقضوا وقت ممتع هناك.

ممكن تتصلوا بماجيك بلانيت كايرو فيستيفال سيتي على01027747734  أو تابع صفحتهم الخاصة بمنطقة الشرق الأوسط وشمال أفريقيا على الفيسبوك.