Cairo 360
دايمًا لما نيجي نشحن موبيلاتنا، بنسيبها في الشاحن قبل ما ننام. علشان نقوم الصبح تبقى كاملة 100%. بس تخيلوا إن الموضوع ده طلع غلط. وفي خطوات علمية لازم نعملها علشان البطارية تعيش لفترة أطول.
مؤخرًا أعلنت شركة Cadax، المتخصصة باختبار الهواتف الذكية، واللي بتدير موقع تعليمي مجاني اسمه “جامعة البطاريات” عن مجموعة من النصائح لشحن بطارية الموبايل بطريقة صحيحة، وهي:
ماتسبش البطارية تفضى بالكامل
دايمًا بنقول إن البطارية لازم تفضى تمامًا قبل ما نشحنها. لكن ده غلط وبيضر بالبطارية. المفروض مانسبش البطارية لحد ما توصل لإنذار الشحن، ونشحنها قبل كده.
اشحن الموبايل بنسبة بسيطة بشكل مستمر
شحن البطارية بجرعات صغيرة، يعتبر في أغلب الأحيان أحسن لصلاحيتها. وحسب جامعة البطاريات لو شحنتها من 10 لـ 20% في المرة، هيكون أفضل لسلامتها وعمرها.
حافظ على نسبة شحن البطارية بين 65 لـ 70%
حسب جامعة البطاريات فيه نقطة معينة تعتبر الأمثل لكفاءة البطارية. وهي إن نسبة الشحن فيها تكون من 65 لـ 70%. ده هيخلي البطارية تشتغل بكفاءة أعلى لفترة أطول.
ماتشحنش البطارية بالكامل
ماتخليش موبايلك يوصل لنسبة شحن 100%. وده لأن بطاريات ليثيوم أيون الجديدة مابتحتاجش تكون مشحونة بالكامل. لأن الجهد العالي بيأثر على عمل البطارية.
مقترح
مطاعم
3 أماكن في القاهرة بتعمل أحلى شاورما لبناني
احلى شاورما لبناني في القاهرة شاورما +3
معالم وسياحة
