لو بتحلم بيخت.. كل اللي محتاج تعرفه عن معرض القاهرة الدولي لليخوت والقوارب
استثمار في المواني البحر الأحمر سياحة اليخوت سياحة بحرية فعاليات القاهرة 2025 قوارب حديثة معرض القاهرة لليخوت نادي يخت موناكو يخوت فاخرة يخوت للبيع
Cairo 360
الصورة الرئيسية: Felix
الصورة لداخلية: Svetlana Sinitsyna
لو نفسك تشتري يخت أو حتى تتفرج على أحدث التصميمات العالمية، معرض القاهرة الدولي لليخوت والقوارب هو المكان اللي لازم تزوره! المعرض فتح أبوابه في مركز القاهرة الدولي للمؤتمرات بمدينة نصر وهيستمر لحد 9 فبراير 2025، وبيشارك فيه أكتر من 40 شركة عالمية و120 علامة تجارية متخصصة في اليخوت والقوارب بكل أحجامها، من الفخمة العملاقة لليخوت السريعة، بجانب كل التجهيزات اللي محتاجها أي حد عشان يعيش التجربة البحرية بكل تفاصيلها.
المعرض مش بس فرصة للفرجة، لكنه كمان باب مفتوح لكل اللي بيفكر يشتري يخت، وده ضمن خطة مصر لإنعاش سوق اليخوت ووضعها على خريطة سياحة اليخوت العالمية. بموانيها الحديثة ومياهها الساحرة، مصر بقت وجهة مثالية لعشاق البحر، من رسو اليخوت الفاخرة، لحد رحلات الغطس وسط الشعاب المرجانية في البحر الأحمر.
وخلال المعرض، هيكون فيه جلسة نقاشية بعنوان “مصر مقصد عالمي لسياحة اليخوت”، واللي هتناقش دور السياحة دي في دعم الاقتصاد المصري، التحديات اللي بتواجهها، وأهم الفرص لتطويرها. وكمان، وفد من نادي يخت موناكو هيزور المعرض لبحث فرص التعاون والاستثمار في المواني المصرية، وده خطوة جديدة لتعزيز مكانة مصر في المجال ده عالميًا.
لو مهتم، متفوتش الفرصة واعرف كل جديد عن عالم اليخوت في المعرض!
مقترح
معالم وسياحة
أسعار تذاكر ومواعيد زيارة متحف الفن الإسلامي: دليلك الكامل قبل الزيارة!
آثار إسلامية السياحة في مصر +6
الحياة في كايرو
