The Definitive Guide to Living in the Capital , Cairo , Egypt

معروف إن رؤساء وحكام دول العالم بيستقبلوا هدايا مهمة وغالية وكتير بتكون نادرة، ولسنين طويلة ماكناش بنعرف في مصر إيه الهدايا اللي بيستقبلها الرئيس المصري من شخصيات مهمة في عالمنا، لكن في مصر النهارده، أصبحت كل الأمور مختلفة، وعلشان كده طالب النظام المصري الحالي بتخصيص واحدة من قاعات قصر عابدين علشان تكون متحف يضم الهدايا اللي وصلت للرئيس المصري الحالي عبد الفتاح السيسي، وللرؤساء السابقين لمصري.

والحقيقة دي خطوة عظيمة بتقول الحكومة المصرية إن الهدف منها هو “ترسيخ قيم النزاهة والشفافية والتجرد، وتأكيدًا لالتزام الدولة المصرية بنصوص الدستور والقانون”.

ومتحف هدايا الرئيس اللي طالب بافتتاحه الرئيس عبد الفتاح السيسي مؤخرًا، بيضم كافة الهدايا اللي تلقّاها الرئيس السيسي من وقت توليه الحكم لحد النهارده.

وبكده بيُضاف متحف هدايا رئاسة الجمهورية “قاعة هدايا الرئيس” للمتاحف الأربعة اللي بيضمها قصر عابدين، وهي: متحف الأسلحة، ومتحف الأوسمة والنياشين، ومتحف الفضيات، ومتحف الوثائق التاريخية.

تعالوا نشوف مع بعض صور لـ ٤ قطع موجودين حاليًا في المتحف، وهم تاج من التراث الكوري مهدي إلى الرئيس عبد الفتاح السيسي، وصقر من الفضة مهدي من دولة الإمارات إلى المستشار عدلي منصور ورئيس الجمهورية السابق، وسفينة شراعية من الذهب ونخلة من الذهب كانوا هدية إلى الرئيس الأسبق محمد حسني مبارك من الإمارات.