“للوقاية من كورونا”.. 9 نصائح مهمة لو بتشتري مستلزماتك من “مولات” القاهرة
المولات في زمن كورونا الوقاية من كورونا تسوق خروج فسحة مولات
Mohamed Talaat
خلونا نعترف إنه للأسف كتير من الناس في مصر بشكل عام، والقاهرة بشكل خاص، مش ملتزمين بتقليل الخروج للأماكن المزدحمة، ومش ملتزمين كمان بالإجراءات الاحترازية، ومش واخدين بالهم إن فيروس “كورونا” المستجد (كوفيد 19) خطر حقيقي قريب مننا كلنا، ونصيحتنا الدائمة هي: بلاش خروج للأماكن المزدحمة ومنها المولات الفترة دي، لكن لو قررتم النزول لشراء احتياجاتكم الضرورية فلازم تلتزموا بشوية نصائح مهمة.
في الموضوع ده هنعرفكم على 9 نصائح بيقدمها لكم الدكتور أحمد حمدي عبد الستار، عضو لجنة الفرز لحالات “كورونا” في مستشفى الحمام المركزي، علشان تقدروا تحافظوا على نفسكم وتحموا أهلكم وحبايبكم.
1- ينصح باختيار مولات فيها مناطق مفتوحة لأنها بتكون أكثر أمانًا وأفضل من المولات المغلقة بشكل تام.
2- البعد عن الأماكن الزحمة وأوقات الذروة في كل المولات.
3- الالتزام بمسافة متر على الأقل والتباعد الاجتماعي مع الموجودين في المول.
4- ارتداء أدوات الوقاية الشخصية “كمامة– جلوفز” واستخدام الكحول بشكل متكرر.
5- ممنوع لمس الأسطح أو عربات التسوق باليد وبدون تعقيم لخطورتها الشديدة في نقل فيروس “كورونا”.
6- تجنب لمس الوش بالكامل نهائيًا، لأن أسرع طريقة لانتقال الفيروس بتكون من خلال المجرى التنفسي.
7- بعد الانتهاء من التسوق والفسح وعند الوصول للبيت يتم التخلص من الأكياس وتطهير المنتجات قبل الاستخدام.
8- تغيير الكمامة ورمي الجلوفز الخاص بالتسوق وغسل اليدين جيدًا بالكحول أو الماء والصابون.
9- فور العودة للمنزل يتم خلع الهدوم بالكامل وغسلها جيدًا وعدم لمسها.
مقترح
فن وثقافة
شبابيك بتطل على القاهرة.. مشروع فني لتوثيق ملامح العاصمة وقت الغروب
Frames of Cairo القاهرة +4
الحياة في كايرو
