لعب ومياه وهوا.. خروجة في 3 أكوا بارك بالقاهرة
أرخص أكوا بارك أسعار الأكوا بارك أكوا بارك العبور أكوا بارك في القاهرة ألعاب مائية جويل أكوا بارك خروجة أكوا بارك
Mohamed Talaat
الصيف والحر دايمًا محتاجين ترطيب على الجسم بالمياه، ومش هنبالغ لو قلنا إننا بنتمنى نعيش في المياه طوال الصيف في ظل التغيرات المناخية وارتفاع درجات الحرارة، ومفيش أجمل من يوم مختلف نقضيه واحنا بنبلبط ونلعب جوا المياه واللي هيخلينا ننبسط وننتعش ونغير المود، علشان كده قررنا نرشحلكم 3 أكوا بارك في القاهرة علشان نحارب الصيف والحر اللي مسيطر على الجو.
علاء الدين
تعتبر من أحدث الأماكن اللي فتحت في القاهرة، وعندهم فترتين للعمل، الأولى من 10 صباحًا حتى 3 عصرًا، وسعر الفرد 200 جنيه، والثانية من 4 عصرًا حتى 9 مساءً وسعر الفرد 250 جنيه، ولو رايحين مع أولادكم كمرافق فسعر التذكرة 100 جنيه بدون استخدام الأكوا بارك وألعابها، ورغم انها صغيرة إلا أن الريفيوهات عنها بتقول أنها كويسة وهتنافس بقوة.
العنوان: نادي وفندق جويل جلوريوس – منتزه الحلميه سابقا ميدان ابن الحكم- بجوار التجنيد- حلميه الزيتون.
تقدروا تعرفوا أكتر عنهم من خلال صفحة الفيسبوك من هنا.
العبور
من أشهر الأكوا بارك في القاهرة وعندهم ألعاب كتير وهتستمتعوا بكل تفاصيل اليوم وهما عندهم التذاكر تبدأ من 300 جنيه للأطفال حتى سن 10 سنوات و340 جنيه للكبار شاملة سناكس، وفيه تذاكر تشمل الوجبات ومسموح بالسندوتشات الخارجية والمشروبات، وكمان تقدروا تأجروا شاليه داي يوز بسعر 460 جنيه للأسرة.
العنوان: طريق مصر إسماعيلية – بعد سوق العبور بـ6 كيلو.
تقدروا تعرفوا أكتر عنهم من خلال صفحة الفيسبوك من هنا.
جويل
من الأماكن المتميزة اللي موجودة في القاهرة وبتقدم رفاهية في ألعاب هي الأعلى بين كل الأكوا بارك في القاهرة وكمان سيفتي لكل الأعمار، وبيشتغلوا من 9 صباحًا حتى 6 مساءً، وسعر التذكرة يبدأ من 450 جنيه للفرد.
العنوان: داخل فندق جويل – زهراء مدينة نصر.
تقدروا تعرفوا أكتر عنهم من خلال صفحة الفيسبوك من هنا.
