كل اللي محتاج تعرفه عن الخط السادس للمترو: من الخصوص للمعادي الجديدة
الخط السادس للمترو النقل في القاهرة تخفيف الزحام مترو الأنفاق الجديد مترو الخصوص مترو المعادي محطات مترو الخط السادس
Cairo 360
لو بتستخدم المترو بشكل يومي، الخبر ده أكيد يهمك. وزارة النقل شغالة على مشروع الخط السادس لمترو الأنفاق اللي هيغير شكل التنقل في القاهرة الكبرى. المشروع ده مش بس هيقلل الزحمة، لكنه كمان هيكون وسيلة أسرع وأسهل للوصول بين مناطق زي الخصوص شمالًا لحد المعادي الجديدة جنوبًا. يلا بينا نعرف كل التفاصيل عن المحطات والمميزات اللي مستنياك مع الخط الجديد.
أعلنت الهيئة القومية للأنفاق إن الخط السادس هيمتد على طول 35 كيلومتر وهيضم 24 محطة، منها محطات سطحية وأخرى نفقية. الخط هيربط الخصوص شمال القاهرة بالمعادي الجديدة جنوبها، وده هيخلي التنقل بين المناطق أسرع وأسهل. كمان هيكون فيه وصلة جنوبية بطول 3.4 كيلومتر بتضم مسار نفق طوله حوالي 2 كيلومتر ومسار سطحي طوله 1.4 كيلومتر بين الستالايت وورشة غمرة عند طره البلد.
محطات الخط السادس للمترو
الخط السادس مش مجرد وسيلة نقل جديدة، لكنه هيكون إضافة كبيرة لشبكة المواصلات، وهيعمل على تقليل الزحام المروري في المناطق الحيوية، وتسهيل الوصول بين شمال وجنوب القاهرة، وتوفير وقت كبير مقارنة بوسائل النقل التقليدية، وكمان الربط بين الخطوط الثلاثة الأول والثالث والرابع في محطات تبادلية.
وهيضم الخط 24 محطة، وكل محطة مصممة لتسهيل التنقل وربط المناطق الحيوية. ومن أبرز المحطات:
– محطة الخصوص عند المخرج 18 للطريق الدائري
– محطة بهتيم العلوية قرب ترعة الإسماعيلية شرقاً
– محطة الزاوية الحمراء
– محطة الدمرداش محطة تبادلية مع الخط الأول
– محطة العباسية محطة تبادلية مع الخط الثالث
– محطة السيدة عائشة
– محطة الفسطاط محطة تبادلية مع المرحلة الثانية من الخط الرابع
– محطة البساتين
– محطة مدينة المعراج
– محطة المعادي الجديدة
وأخيرًا..
مشروع الخط السادس لمترو الأنفاق خطوة كبيرة نحو تحسين المواصلات في القاهرة. سواء كنت من سكان الخصوص أو المعادي أو أي منطقة على طول الخط، المشروع ده هيكون إضافة قوية تساعدك في تنقلاتك اليومية بشكل أسرع وأسهل. تابعوا التطورات على موقعكم كايرو 360!
مقترح
الحياة في كايرو
كل اللي محتاج تعرفه عن الخط السادس للمترو: من الخصوص للمعادي الجديدة
الخط السادس للمترو النقل في القاهرة +5
معالم وسياحة
