بواسطة
Mohammed Sabry
خلال استعداد النجم عمرو دياب لطرح ألبومه “كل حياتي”، أعلن عن مسابقة “فرحنا بالهضبة” بالتعاون بينه وبين فودافون. الراعي الرسمي لألبومه.
ونشر الهضبة على حسابه على إنستجرام: لكل المخطوبين اللي في مصر، اعملوا فيديو لأغنية #يتعلموا على هاشتاج #فرحنا_بالهضبة. وأحلى فيديو فودافون هتعمله فرحه وعمرو دياب هيغني فيه.
وكانت شركة فودافون أعلنت عن المسابقة من يومين. وقالت إن الفائز فيها هتعمله فرحه، وعمرو دياب هيغني فيه.
أغنية “يتعلموا” غناها الهضبة في حفلة خاصة في الساحل، والفيديو بتاعها قلب الدنيا في وقت قليل كالعادة. وخلى الناس متشوقة أكتر لألبومه الجديد.
من الشعراء اللي اتعاون معاهم الهضبة في ألبومه أيمن بهجت قمر وتامر حسين. ومن الملحنين عمرو مصطفى ومحمد رحيم. أما التوزيعات فشارك فيها الموزعين طارق مدكور، نادر حمدي، وأسامة الهندي.
