“كتالوج السلامة والأمان”.. حاجات ممنوع تعملها وأنت بتستخدم قطارات مصر
سكك حديد مصر قطارات مصر قواعد السلامة والأمان
Cairo 360
بهدف حماية الركاب وتوفير أكبر قدر من إجراءات السلامة والأمان، أصدرت هيئة السكة الحديدية في مصر كتالوج بيتضمن قائمة محظورات ممنوع على الركاب القيام بيها خلال استقلال القطارات في مصر.
وشملت المحظورات دي، قائمة بـ 18 سلوك خطأ ممكن يهددوا أرواح المسافرين، ويعطلوا حركة القطارات.
وتضمن “كتالوج المحظورات”، عدم التزام الركاب بأبواب الدخول والخروج، لأن ده بيؤدي لإعاقة حركة الركاب والتداخل بينهم، وبالتالي حدوث تزاحم بين الركاب.
كمان ممنوع جلوس الركاب على حافة الرصيف المطل على قضبان القطارات، لأن ده بيعرض حياتهم للخطر نتيجة اصطدام أي أجزاء بالجرار بيهم أو السقوط على شريط السكة الحديد.
ممنوع كمان قيام الركاب باستقلال القطار والنزول منه من الجهة المخالفة على السكة الحديدية، وعدم استخدام الأرصفة، وممنوع نزول بعض الركاب والسير على السكك والقضبان لاستقلال القطار قبل وصوله للمحطة بحجة حجز مكان لأن ده بيعرض حياتهم للخطر نتيجة وجودهم وسط حركة القطارات على القضبان، بالإضافة لقيام بعض الركاب باستقلال القطار والنزول منه “أثناء المسير”.
ممنوع كمان عبور القضبان للانتقال من رصيف للتاني وعدم استخدام الأنفاق والكباري المخصصة للأمر ده، وطبعًا ممنوع “التسطيح” فوق العربيات أو الوقوف بين العربيات وعلى جانب الجرار، والتدخين داخل القطارات اللي ممكن يؤدي لحدوث حريق وتعريض حياة الركاب للخطر.
كتالوج المحظورات بيضيف إنه ممنوع رشق القطارات بالحجارة أثناء سيرها، أو عدم المحافظة على نظافة القطار وإلقاء المخلفات، ده غير تخريب القطارات خصوصًا الكراسي والأبواب ودورات المياه، والكتابة على القطارات من الداخل.
ولازم حجز التذكرة قبل الركوب لأن عدم القيام بالأمر ده بيعرض الراكب للغرامة أو تسليمه للشرطة، وبلاش كمان التعامل مع المحصل “الكمسري” بشكل غير لائق.
أما سائقي السيارات فلازم يلتزموا بقواعد المرور أثناء عبور المزلقانات، وعدم السير في الاتجاه المعاكس أثناء عبور المزلقانات لأن ده بيعرض حياتهم للخطر نتيجة اصطدام القطارات بهم أثناء العبور.
كمان مطلوب من سائقي السيارات الالتزام بالسرعة المقررة أثناء الدخول على المزلقانات، لعدم اقتحام بوابات المزلقانات وحدوث تلفيات وحوادث بتعرض حياتهم للخطر.
وخليكم فاكرين إن عدم الالتزام بقواعد الأمان بتعرضكم لخطر كبير، وبتؤدي للإضرار بممتلكات الهيئة اللي هي “ملك الجميع”.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
