السنوات الأولي في حياة الطفل بـ تكون بالطبع هامة وحيوية (اصبروا شوية وهـ تفهموا ليه الكلام ده)، إدراك الطفل/ الطفلة للعالم حوله/ حولها يا دوبك بـ يكون محسوس بس ممكن يغير في شكل حياته بعد كده.
مارس 2013 بـ يوافق الاحتفال بالسنة الثالثة لـ “
كايرو 360” والتشابه بيننا وبين الطفل اللي عنده ثلاث سنوات مش مختلف قوي، في البداية كنا كأننا بـ نتعلم المشي وبـ نواجه صعوبات في العالم حولنا مع القليل من الحذر، وببطء بـ نضع رِجل أمام الثانية ومستعدين لاكتشاف كل ما هو غريب ومذهل، التشابه بيننا ما كانش لدرجة أننا نمسك بشيء مش نظيف أو نكسر الأشياء المهمة فتافيت.
بعيدًا عن المقارنة بالأطفال، كايرو 360 تأسس على مبدأ واحد:
إزاي تلف في القاهرة بسهولة وتستمتع بوقتك في مدينة من الصعب توقع ظروفها، حاجات كثيرة قوي ممكن تشوفوها وتعملوها ولكن كمية المعلومات اللى ممكن تلاقوها أشبه بالفيضان، وعلشان كده إحنا موجودين، علشان نعرف لكم كل حاجة في القاهرة من أول
المطاعم الراقية والأنيقة لغاية
الكافيهات والقهاوي اللي انتشرت في كل القاهرة، مافيش مكان مش بـ نجربه، إحنا دائمًا فى منافسة علشان نقول لكم الجيد من السيء وكمان نشجعكم تعملوا زينا علشان نتبادل التجارب.
في مدينة زي القاهرة مش بـ تتوقف عن التطور والحركة هـ تجدوا أننا بـ نعرفكم على كل اللى بـ تقدمه المدينة، ثورة 25 يناير عملت ضجة وحققت طفرة كبيرة في مجال
الفنون والثقافة في مصر واللي أنشأت علاقة مافيش أفضل منها بين الإعلام والفن، نظرة واحدة على
أجندة كايرو 360 للأحداث كافية تعرفكم كل اللي أنتم عاوزينه من حفلات أفضل المغنيين المحليين إلى جاليريهات رواد الفن ومناقشات أهل الفن والثقافة، حتى جيراننا في شمال أفريقيا والشرق الأوسط لقوا أن مصر استعادت جزء كبير من هويتها الثقافية والموسيقية،
الموسيقى برضه أخذت نصيبها من التأثر بفعل ثورة يناير في وجود فرق مصرية جديدة أصبحت مطلوبة أكثر في أماكن سهرات
القاهرة بالليل وأصبحت مصر مش مجرد سوق لألبومات البوب المعتادة للمغنيين التقليديين وده وراءه مغنيين وموسيقيين ومؤلفين تفوقوا على أنفسهم وأثبتوا نفسهم على الساحة الفنية في القاهرة ومصر.
إحنا المصريين ببساطة مش بـ نرتاح على طول، مدمنين
تسوق وبـ ندور على الخصومات والعروض الجديدة وده له تأثيره على مشهد حالة التسوق في القاهرة اللي بـ يتطور على المستوى الداخلي والخارجي، بدأنا نشوف ماركات عالمية جديدة علينا، كمان التجار المصريين تميزوا من خلال الاعتماد على التراث المصري في كل شيء بداية من مستحضرات التجميل وإكسسوارات المنزل والملابس والأكلات.
مع تغير شكل الحياة في القاهرة ووجود مفاهيم جديدة، القاهريين بدأوا يرحبوا بالطرق الجديدة والبديلة لـ “
الصحة واللياقة” زي اليوجا والزومبا وتدريبات البيلاتس على سبيل المثال اللي زادت عشر مرات وغيرت من المفهوم العام للصحة واللياقة اللي هـ يستمر تأثيره على سكان القاهرة وزوارها.
السياحة لسوء الحظ أخذت لها خبطة أو اثنين في السنوات الأخيرة لكن الحمد لله
المعالم والسفر مازالوا بخير، بعض المتاحف والأماكن التاريخية في القاهرة محتاجين شوية اهتمام، لكن مع كل الخوف والقلق مافيش حاجة تقدر تغير الأهمية التاريخية لآثار وتحف القاهرة.
الموضوع عبارة عن دائرة متصلة ببعضها، لو القاهرة سعيدة وفرحانة كايرو 360 بالتالى هـ تكون سعيدة وفرحانة ونشيطة وفعالة، أننا نكون من الأوائل في متابعة كل شيء بـ تقدمه القاهرة كفاية علشان يخلينا فخورين، 2013 كانت سنة رائعة بالنسبة لكايرو 360 أطلقنا فيها التصميم الجديد بمميزات وإضافات أكبر من أى وقت مضى، شكل جديد وسهولة في الاستخدام ومئات من الوظائف الإضافية والامتيازات والتحسينات.
أهم عنصر في المعادلة دي كلها قارئ كايرو 360، الآلاف من قراء ومحبي القاهرة بـ يزوروا موقعنا بشكل دائم، إحنا مش عارفين من غيركم كنا هـ نعمل إيه، علشان كده أنتم تستحقوا تقدير كبير وخمس نجوم.
فاتت ثلاث سنوات.. أى نعم كانت مرهقة وصعبة في بعض الأوقات.. لكن إحنا مش بـ نرتاح، طوال ما القاهرة ومصر في بداية تحولها لشيء جديد ومختلف إحنا هـ نكون معاكم لوقت طويل ونقول لكم عن كل شيء بـ تقدمه المدينة وأهلها.
معالم وسياحة
مطاعم
