“قانصوه أبو سعيد”.. تحت القبة “سلطان”
تاريخ القاهرة قانصوه أبو سعيد قباب القاهرة قبة الغفير مباني القاهرة التاريخية
Mohamed Talaat
الصور: خالد الشافعي
كل حجر في مباني القاهرة التاريخية له قيمة، والقيمة دي بتزيد لما بيكون الشكل النهائي اللي بتكونه الأحجار دي هو تحفة فنية صعب تتقدر بثمن، ومن مباني القاهرة العظيمة لكنها منسية بدرجة كبيرة، قبة “قانصوه أبو سعيد”. ليه منسية؟ علشان مش كتير من المصريين بيزوروها، وليه ماتتقدرش بمال؟ لأنها مبنى تاريخي كل تفصيلة فيه بتحكي عن حكاية مدهشة.
دول 5 معلومات عن قبة “قانصوه أبو سعيد”:
1 – قبة “قانصوه أبو سعيد” هي قبة ضريحية للسلطان الظاهر قانصوه أبو سعيد، بيرجع تاريخها لسنة 1498م، وهي السنة إلى تسلم فيها قانصوه أبو سعيد زمام السلطنة علشان تكون مدفن له.
2 – بيقع الضريح في القرافة الشرقية للمماليك بمنطقة الإمام الشافعي، عند ترب الغفير.
3 – القبة معروفة كمان باسم “قبة الغفير”، لأنها كانت بتستخدم كسكن لحارس المنطقة “الغفير”، وسميت الترب اللي بتقع حولها بنفس الاسم “ترب الغفير”.
4 – في فبراير 2022 أعلنت وزارة السياحة والأثار المصرية الانتهاء من أعمال الترميم الإنشائي والمعماري للقبة واللي تضمنت تدعيم الحوائط والأساسات، وأعمال تنظيف وترميم واجهات القبة الأربعة ومنطقة انتقال خوذة القبة وهلالها النحاسي، وتركيب الشبابيك الجصية المعشقة بالزجاج الملون لتغشية شبابيك رقبة القبة والقندليات.
5 – كمان تم تركيب نظام إضاءة جديد داخلية وخارجية للقبة، بالإضافة إلى أعمال الترميم الدقيق حيث تم الانتهاء من ترميم المحراب والقبة من الداخل. وكمان تم تطوير الموقع المحيط بالقبة شملت تبليط ورصف المنطقة ووضع أحواض نباتات ملائمة لطبيعة الأثر وتركيب اللوحات التعريفية الخاصة بالقبة بالإضافة إلى تركيب كاميرات للمراقبة.
