The Definitive Guide to Living in the Capital , Cairo , Egypt

النهارده 6 يونيو، مصر بتحتفل بالعيد القومي لمحافظة القاهرة، اللي عمرها أصبح النهارده 1050 سنة، واجهت فيهم العاصمة محن ومشاكل كتير، وفضلت عظيمة بتاريخها وحضارتها بين أكبر وأعرق عواصم العالم.

1- أسسها القائد جوهر الصقلي عام 969 م، في عهد الخليفة الفاطمي المعز لدين الله، وبتعتبر القاهرة -بحسب المؤرخين- العاصمة رقم 19 على مدى التاريخ المصري، والرابعة في العصر الإسلامي.

2 – أطلق على القاهرة مسميات كتيرة، منها “المنصورية” وعاصمة الألف مئذنة بسبب كتر المساجد والمآذن فيها، وتم تسميتها بالقاهرة بسبب كوكب المريخ، المعروف بالكوكب القاهر، وبحسب المؤرخين وبعض الروايات التاريخية، كان كوكب المريخ ظاهر بشكل واضح عند تأسيسها، فأصبح اسمها القاهرة نسبة إليه، علشان تقهر كل اللي يفكر يعتدى عليها.

3 – شهدت القاهرة تطورات كبيرة في عهد الدول الأيوبية والمملوكية والعثمانية، وفي عصر أسرة محمد علي، انتقلت الحياة فيها بشكل عام، نقلة حضارية، وبدأت الفترة دي من (1220هـ ـ 1805م) حتى قيام ثورة يوليو 1952.

4 – إداريًا، بتنقسم القاهرة لـ 4 مناطق، كل منها له نائب عن محافظ القاهرة، والمناطق هي (الشرقية والغربية والجنوبية والشمالية ).

5 – بسبب الزحام الكبير، القاهرة اهتمت بعمل مشاريع جراجات مهمة، فبعد جراج التحرير، من المقرر افتتاح جراج روكسي بمصر الجديدة، وهو ثاني أكبر جراج إلكتروني متعدد الطوابق بعد جراج التحرير، وده هيساهم في تخفيف الضغط المروري والزحام بنطاق حي مصر الجديدة.

6 – حاليًا بتطور محافظة القاهرة العديد من المناطق التاريخية أهمها (سور مجرى العيون بإزالة المدابغ ونقلها – منطقة عين الحياة في مصر القديمة – مسجد وميدان السيدة عائشة في الخليفة وغيرهم كتير).

كل سنة والعاصمة بخير.