The Definitive Guide to Living in the Capital , Cairo , Egypt

مصدر الصورة: من هنا

النهارده يوم مميز في حياة أكتر مدينة بنحبها، وهي القاهرة، اللي بنحتفل النهارده بعيدها القومي اللي بيوافق ذكرى مرور 1052 عام على تأسيسها على يد القائد جوهر الصقلي عام 969 م في عهد الخليفة المعز لدين الله الفاطمي.. وبالمناسبة دي، تعالوا نتعرف على 5 معلومات عن العاصمة المصرية.

1 – بتعد القاهرة من أكثر المدن اللي فيها تنوع ثقافي وحضاري، وده لإنها شهدت فترات تاريخية مختلفة على مر العصور، وبتوجد فيها العديد من المعالم القديمة والحديثة، وبالتالي أصبحت أقرب لمتحف مفتوح بيضم آثار فرعونية ويونانية ورومانية وقبطية وإسلامية.

2 – القاهرة بطرازها الحالي بيعود تاريخ إنشائها إلى الفتح الإسلامي لمصر على يد عمرو بن العاص عام 641 م وإنشائه مدينة الفسطاط، ثم إنشاء العباسيين لمدينة العسكر، وبعدها بناء أحمد بن طولون لمدينة القطائع، ومع دخول الفاطميين لمصر بدأ القائد جوهر الصقلي في بناء العاصمة الجديدة للدولة الفاطمية بأمر من الخليفة الفاطمي المعز لدين الله وذلك في عام 969م، وأطلق عليها الخليفة اسم “القاهرة”.

3 – أطلق على القاهرة- على مر العصور- أسماء مختلفة، فهي مدينة الألف مئذنة ومصر المحروسة وقاهرة المعز، وبتضم القاهرة أقدم جامعات العالم، وأضخم المساجد في العالم.

4- خان الخليلي هو أحد أضخم أسواق القاهرة وأقدمها، وبيعود تاريخه للقرن الرابع عشر الميلادي. وبيحتوي الخان على أقسام مختلفة بتبيع السجاد، التوابل، الأشغال المعدنية، وغيرها كتير من المنتجات.

5 – بحسب إحصائيات سنة 2017، بيُقدّر عدد العربيات في القاهرة بحوالي 4.5 مليون عربية، أما تحت أرضها ففيه 4 مليون راكب بيستخدموا مترو الأنفاق يوميًا.

كل سنة وأنت بخير يا قاهرة!