في القاهرة والجيزة.. غرامات مالية للي هيرمي قمامة في الشوارع
Cairo 360
القمامة مشكلة كبيرة في شوارع مصر بشكل عام والقاهرة والجيزة بشكل خاص، ومؤخرًا أصدر محافظ القاهرة بالتعاون مع محافظ الجيزة مجموعة قرارات جديدة هدفها “الحفاظ على نظافة الشوارع” على حد تعبيرهم.
القرارات دي بتشمل توقيع غرامات مالية على أي شخص هيتم ضبطه بيرمي قمامة فى الشارع.
من أهم القرارات دي تفعيل حق الضبطية القضائية لرؤساء الأحياء ومشرفى النظافة في القاهرة والجيزة إنهم يحصلوا غرامة من اللي هيرمي القمامة فى الشارع بالقاهرة.
كمان هيتم فرض غرامة من 200 جنيه إلى 5 آلاف جنيه على كل مواطن هيرمي قمامة فى شوارع القاهرة أوالجيزة.
وبكده بتنضم القرارت دي لقرارات تانية صدرت من فترة وهي فرض غرامات تصل لـ500 جنيه على كل اللي هيستخدم مياه الشرب فى رش الشوارع.
وفرض غرامات هتوصل لـ 10 آلاف جنيه لكل اللي هيرش المياه أو يغسل العربيات فى شوارع القاهرة، و تحرير محاضر بيئة على اللي هيتسبب فى إتلاف الطبقة الأسفلتية أو الرصيف بالشوارع. ده غير ضبط ومصادرة السيارات اللي هترمي القمامة ومخلفات البناء فى الشوارع.
نتمنى القرارات دي فعلًا تتنفذ علشان كفاية قمامة بقى في شوارعنا.
مقترح
مطاعم
3 أماكن في القاهرة بتعمل أحلى شاورما لبناني
احلى شاورما لبناني في القاهرة شاورما +3
معالم وسياحة
