Omar Abd-elmaqsoud
من ساعة ما سمحنا للتكنولوجيا إنها تدخل حياتنا، وهي بشكل أو بآخر بقت جزء لا يتجزأ منها، وبقينا بنعتمد عليها في كل صغيرة وكبيرة في حياتنا اليومية، وخاصة جانب زي التنقلات اليومية أو المواصلات، واللي كانت من من أهم الجوانب اللي سيطرت عليه التكنولوجيا في حياتنا.
يمكن واحده من أهم عوامل نجاح استخدام التكنولوجيا في المواصلات عن طريق تطبيقات خاصة زي “أوبر” و “كريم” هي المعاناة اللي بنعانيها يوميًا في التنقل من الشغل للبيت أو للعكس أو حتى لأي مشوار تاني، والمعاناة دي بتختلف في درجتها وأسلوبها من شخص للتاني، لكن المعاناة المشتركة عند كل الستات والبنات في التعامل مع المواصلات سواء العامة أو الخاصة كانت ولا تزال “التحرش”.
ومن النقطة دي تحديدًا بدأ “عبدالله حسين” و”مصطفى الخولي” فكرة تطبيق مواصلات مخصوص للسيدات والبنات، من الالف للياء، وعلشان زيادة التأكيد على إنه للبنات وبس، سموه “فيونكة -Fyonka“.
“فيونكة” عبارة عن تطبيق موبايل زي “أوبر” و “كريم” بالضبط، ممكن عن طريقه البنات تطلب عربية اللي سايقها بنت برده، وخطوط التوصيل بشكل مبدئي هتكون في محيط مناطق الزمالك والدقي والمهندسين والمعادي و6 أكتوبر والشيخ زايد والقطامية والتجمع ومدينة نصر ومصر الجديدة وسط البلد.
“فيونكة” عمل حوالي 1000 رحلة في أقل من أسبوعين، وده نتيجة للتفاعل الشديد على التطبيق، وده يرجع لسبب مهم كمان غير إنه للبنات وبس، وهوه إن أسعاره مفيش فيها أي اختلاف عن أسعار التطبيقات التانية.
تطبيق “فيونكة” ممكن تلاقوه في ” App Store” لمستخدمين الآيفون من هنا.
أو ممكن تلاقوه على “Google Play” لمستخدمين الأندرويد من هنا.
وممكن تتابعوه التطبيق وآخر مستجداته وعروضه من خلال صفحته على الفيس بوك من هنا.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
