عمرو دياب و”سوكسيه” و”زهور الخريف” وأكثر.. اعرف هتروح فين في الويك إند
تروح فين في الويك إند حفل سعد العود حفل عمرو دياب حفلات في القاهرة خروجات في القاهرة دليل كايرو 360 للخروجات
Cairo 360
الويك إند وصل، ومن يوم الخميس ولحد يوم السبت، القاهرة مليانة بالفعاليات الفنية والثقافية اللي تستحق الحضور، وعلشان تعرف تحدد كويس أنت هتخرج فين في القاهرة، هنقول لك في السطور الجاية على أجمل وأهم الأنشطة اللي هتحصل في القاهرة، علشان تختار منها خروجتك المفضلة.
يلا اعرف هتروح فين في القاهرة في الويك إند.
الخميس 7 نوفمبر 2024
عشاق الطرب على موعد مع حفل مميز للفنان سعد العود على مسرح تياترو أركان بالشيخ زايد يوم الخميس الساعة 8 مساءً.
تفاصيل أكثر هنا.
ومهرجان وسط البلد للفنون المعاصرة (دي كاف) لسة مستمر مع كثير من الفعاليات الثقافية والعروض والتجارب الفنية وورش العمل، وده لحد يوم الأحد 10 نوفمبر.
تفاصيل أكثر هنا.
وعشاق الطبيعة لسة عندهم فرصة للاستمتاع بجمال الطبيعة في نسخة الخريف من معرض الزهور الدولي في حديقة الحرية بالزمالك. بيمثل المهرجان ملتقى محبي الزهور والنباتات في مصر، وهيستمر حتى الأحد 10 نوفمبر يوميًا من 9 صباحًا حتى 12 منتصف الليل، وسعر التذكرة 20 جنيه.
تفاصيل أكثر هنا.
كمان معرض “الأبد هو الآن” مستمر في نسخته الرابعة حتى 16 نوفمبر، وبيضم أعمال فنية أبدعها 12 فنان من دول العالم. المعرض من تنظيم أرت دي إيجيبت وكالتشر فالور، وبيقام عند سفح الأهرامات بالجيزة، والدخول مجانًا بعد شراء تذكرة دخول منطقة الأهرامات.
تفاصيل أكثر هنا.
الجمعة 8 نوفمبر 2024
حدث مهم في القاهرة! بينج سيركل هتقدم حلقة من برنامج ذا بلايند ديت مباشرة أمام الجمهور في تريفيوم سكوير بالتجمع الخامس، في السابعة مساء الجمعة 8 نوفمبر.
تفاصيل أكثر هنا.
السوبر ستار عمرو دياب هيحيي حفل غنائي في كايرو جيت كومباوند بالشيخ زايد يوم الجمعة 8 نوفمبر. الحفل من تنظيم منصة أنغامي بمشاركة الدي جي ديزايري، وهيبدأ الساعة 11 مساءً.
تفاصيل أكثر هنا.
واللي بيحبوا الكوميديا عندهم موعد مع الكوميديان أحمد خيري اللي هيحيي سهرة ستاند أب كوميدي سبيشال بعنوان “صنع في مصر” على مسرح تياترو أركان بالشيخ زايد، يوم الجمعة 8 نوفمبر في تمام الثامنة مساءً.
تفاصيل أكثر هنا.
وكمان مشروع “سوكسيه” لأشرف عبد الباقي هيبدأ تقديم مسرحية “الخطة المثالية” على مسرح الريحاني بوسط البلد يومي الجمعة والسبت 8 و9 نوفمبر الساعة 8:30 مساءً.
تفاصيل أكثر هنا.
السبت 9 نوفمبر 2024
استعدوا للشتاء بتسوق أجمل المنتجات اليدوية والأنتيكات في كايرو فلي ماركت يوم السبت 9 نوفمبر بحديقة الأسماك في الزمالك، من الساعة 10 صباحًا حتى 7 مساءً.
تفاصيل أكثر هنا.
والدورة الخامسة من معرض “مطبوعات القاهرة” مستمرة في كايروبوليتان بجاردن سيتي. بيشارك في المعرض أكثر من 180 فنان من مصر والمنطقة العربية لعرض مجموعة من المطبوعات والأعمال الفنية، وده هيكون يوميًا من الساعة 12 ظهرًا إلى 9 مساءً، لحد يوم الاثنين 18 نوفمبر.
تفاصيل أكثر هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
