The Definitive Guide to Living in the Capital , Cairo , Egypt

مش كتير يعرفوا إن كلية العلوم بجامعة القاهرة فيها تخصصات مميزة جديدة، بتؤهل الطالب بشكل حقيقي للمستقبل. وممكن تكون بديل عملي لكليات الطب والهندسة اللي غالبًا بتطلب مجموع أعلى. في السطور الجاية هنعرفكم على تخصصات جديدة هتخلي كلية العلوم جامعة القاهرة من الكليات المميزة بجد.

في تصريحات إعلامية حديثة، قال الدكتور أحمد عبد الشريف عميد كلية العلوم بجامعة القاهرة، إن الكلية فيها برامج خاصة مميزة مش موجودة في جامعات تانية،، وممكن التخصصات دي تكون بديل قوي للطلاب اللي ماقدروش يدخلوا كلية الهندسة قسم البترول، لأن “العلوم” أصبح فيها برنامج مماثل وهو “علوم البترول”، واللي بيؤهل الخريج للعمل في مجال البترول، وفيه شركات كثيرة بتطلب خريجي الكلية، ده فغير كمان برنامج علوم الحاسب، اللي بيقدم محتوى علمي مشابه للي في كلية الهندسة.

وتابع عميد كلية العلوم بجامعة القاهرة، أن الكلية بتقدم برنامج التقنية الحيوية اللي بيوفر فرص عمل كبيرة للخريجين في شركات ومصانع الأدوية، إضافة إلى برنامج جديد هتبدأ الدراسة به السنة دي، وهو برنامج كيمياء حيوي مايكوبولجي واللي بيمكن الطلاب من الحصول على دبلومة مدتها عام واحد ويقدر بعدها يفتح معامل تحاليل، ويمارس مهنة التحاليل الطبية.

وتابع الدكتور أحمد الشريف، أن الكلية فيها كمان برنامج علوم وتكنولوجيا النانو، وده مماثل لبرامج كلية الهندسة تخصص المواد اللي بيتم إدخالها في صناعة الكبارى.

وفيه كمان في الكلية برنامج بايوفيزياء طبية، اللي بيؤهل الخريج علشان يشتغل إخصائى أشعة في معاهد الأورام وبيحق للخريج العمل بمستشفيات الأورام لأنه بيساعد في وضع خطة علاج المرضى.