علشان ماحدش ينصب عليك: أسعار كروت الشحن الجديدة
Cairo 360
لما تروح لأي كشك أو سنترال في القاهرة اليومين دول هيقول لك أن أسعار كروت الشحن زادت، بس هل كلامه سليم؟ أيوة بالفعل الأسعار زادت، وفي المقال ده هنقول لك الزيادة الحقيقية علشان ماحدش ينصب عليك.
وزارة المالية اتفقت مع شركات المحمول ومع وجهاز تنظيم الاتصالات علي الأسعار الجديدة لكروت الشحن بعد إضافة ضريبة القيمة المضافة الجديدة، والمفروض العمل بدأ بها من إمبارح، يعني هي سارية حاليًا، والكلام الأخير هو أن سعر الكارت فئة العشرة جنيه هيتباع بـ 11 جنيه شامل الضريبة، لكن خد بالك هيتم الحساب علي أساس 60 قرش قيمة الضريبة الجديدة، و40 قرش هيتم إضافتها رصيد دقايق زيادة علي الكارت، وده معناه أن أثر الضريبة هو 6٪ بس. أما بالنسبة للكارت فئة 50 جنيه فهيكون ثمنه 55 جنيه منها 3 جنيه ضريبة واثنين جنيه داخل رصيد مكالمات الكارت، والكارت فئة 100 جنيه هيبقى ثمنه 110 جنيه منها 6 جنيه قيمة الضريبة، و4 جنيه زيادة في رصيد المكالمات.
والمفروض أن الحكومة هتلزم كل البياعين بالأسعار الجديدة، والمفروض كمان هيكون فيه مراقبة للتأكد أن ماحدش بيبيع بأغلى من الأسعار الرسمية.
طيب لو حد باع لك الكروت بأسعر أغلى من كده تعمل إيه؟
تتصل برقم جهاز تنظيم الاتصالات وتبلغ عنه، والرقم هو: 155
علشان ماحدش ينصب عليك: أسعار كروت الشحن الجديدة
لما تروح لأي كشك أو سنترال في القاهرة اليومين دول هيقول لك أن أسعار كروت الشحن زادت، بس هل كلامه سليم؟ أيوة بالفعل الأسعار زادت، وفي المقال ده هنقول لك الزيادة الحقيقية علشان امحدش ينصب عليك.
وزارة المالية اتفقت مع شركات المحمول ومع وجهاز تنظيم الاتصالات علي الأسعار الجديدة لكروت الشحن بعد إضافة ضريبة القيمة المضافة الجديدة، والمفروض العمل بدأ بها من إمبارح، يعني هي سارية حاليًا، والكلام الأخير هو أن سعر الكارت فئة العشرة جنيه هيتباع بـ 11 جنيه شامل الضريبة، لكن خد بالك هيتم الحساب علي أساس 60 قرش قيمة الضريبة الجديدة، و40 قرش هيتم إضافتها رصيد دقايق زيادة علي الكارت، وده معناه أن أثر الضريبة هو 6٪ بس. أما بالنسبة للكارت فئة 50 جنيه فهيكون ثمنه 55 جنيه منها 3 جنيه ضريبة واثنين جنيه داخل رصيد مكالمات الكارت، والكارت فئة 100 جنيه هيبقى ثمنه 110 جنيه منها 6 جنيه قيمة الضريبة، و4 جنيه زيادة في رصيد المكالمات.
والمفروض أن الحكومة هتلزم كل البياعين بالأسعار الجديدة، والمفروض كمان هيكون فيه مراقبة للتأكد أن ماحدش بيبيع بأغلى من الأسعار الرسمية.
طيب لو حد باع لك الكروت بأسعار أغلى من كده تعمل إيه؟
تتصل برقم جهاز تنظيم الاتصالات وتبلغ عنه، والرقم هو: 155
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
