The Definitive Guide to Living in the Capital , Cairo , Egypt

رغم انتشار التليفون المحمول في عالمنا، ورغم التقدم الكبير في وسائل الاتصالات بصفة عامة، إلا أن وجود خط منزلي لسة حاجة ضرورية في حياتنا، بسبب إنه الطريقة الوحيدة للحصول على خدمة إنترنت بجودة عالية.

لكن إزاي بيتم التقديم على تليفون أرضي؟ وإيه هي الأوراق المطلوبة لإتمام العملية دي؟ وإيه هي تكلفة الاشتراك الشهري؟ لو حابب تعرف إجابات الاسئلة دي وأكثر، كل اللي عليك تكمل قراءة!

إزاي تقدم تقدم على خط أرضي من المصرية للاتصالات؟

وفرت شركة المصرية للاتصالات (وي) أكثر من طريقة للتقديم، وده لتسهيل إجراءات التقديم على خط تليفون أرضي على عملائها؛ زي:

• التوجه إلى أحد فروع وي أو السنترال التابع لمكان السكن واصطحاب أوراق التقديم على تليفون أرضي.
• الاتصال على رقم خدمة عملاء وي، وهيقوم قسم التركيبات بالتواصل مع المتقدم خلال 72 ساعة من تقديم الطلب، ثم تحديد ميعاد لاستكمال إجراءات التعاقد والتركيب.
• التقديم على خط هاتف أرضى أون لاين بالدخول إلى الموقع الإلكتروني للشركة المصرية للإتصالات، واتباع خطوات التقديم على خط تليفون أرضى المبينة على الموقع.

إيه هي الأوراق المطلوبة للتقديم على تليفون أرضي؟

هتحتاج المستندات التالية مع استمارة التقديم:

• أصل وصورة من مستند تحقيق الشخصية عليه عنوان التقديم؛ وممكن تقديم البطاقة، أو جواز السفر، أو رخصة قيادة.
• عقد ملكية أو عقد إيجار العقار المراد تركيب الخط الأرضي فيه.
• إيصال غاز، أو مياه، أو كهرباء حديث للعقار.
• صورة التوكيل في حالة كان المتقدم بينوب عن مالك أو مستأجر العقار.
• إذا سبق وجود خط أرضي في نفس المكان، بيتم تقديم صورة من آخر فاتورة مسددة.
• بعد إنهاء إجراءات التعاقد، يجب الاحتفاظ بصورة من العقد وتقديمه لقسم التركيبات.

تكلفة تركيب تليفون أرضي 2022

بتبلغ مصاريف التقديم على خط أرضي 150 جنيه قبل إضافة الدمغة والضريبة؛ أما المبلغ الإجمالي فبيصل إلى حوالي 180 جنيه مصري.

ومهم تبقى عارف إن سعر اشتراك التليفون الأرضي بيشمل أول 3 شهور، بالإضافة إلى 120 دقائق محلية، وخدمة إظهار رقم الطالب؛ وتقدر تحدد نظام الدفع المناسب ليك، سواء شهري، أو كل 3 شهور.

وأنت بتتعاقد على التليفون اختر باقة الإنترنت المناسبة ليك، موظف خدمة العملاء هيعرفك كل الخطط.

إزاي تدفع فاتورة الخط الأرضي وفاتورة الإنترنت؟

بتقدم الشركة المصرية للاتصالات أكتر من طريقة لتسديد فاتورة الخط الأرضي وتجديد الإنترنت، منهم:

• السنترال الخاص بالحي.
• ماكينة فوري أو أمان.
• الموقع الإلكتروني لشركة وي (باستخدام بطاقة الائتمان أو بطاقة الخصم الفوري).
• – تطبيق ماي وي على الهواتف الذكية.

فين تلاقي أبرز فروع وي؟

بتنتشر فروع الشركة المصرية للاتصالات في جميع أنحاء القاهرة، ومن أبرز الفروع:

المهندسين: شارع أحمد عرابي، بجوار وزارة الاتصالات والبنك المركزي.

المعادي: شارع 9، بجوار محطة مترو المعادي.

الزمالك: 187 شارع 26 يوليو.

المقطم: شارع 9، ميدان النافورة.

الشروق: الإسكان المتميز، بجوار نقطة الشروق.

الشيخ زايد: كابيتال بيزنس بارك، محور 26 يوليو.