صُنع في مصر.. تفاصيل إنتاج أول أتوبيس كهربائي بأيادي مصرية (صور)
أتوبيس كهربائي مصري أول أتوبيس كهربائي مصري صنع في مصر مشاريع مصرية
Mohamed Talaat
مصر بتتعير بجد في السنوات الأخيرة، كل يوم بنشوف ونقرأ أخبار عن مشاريع جديدة تفرح القلب.. منها مثلًا إعلان وزارة الإنتاج الحربي في مصر، عن صناعة أول أتوبيس كهربائي في البلاد بأيادي مصرية، وده بالتعاون مع شركة “MCV”.. تعالوا نعرف التفاصيل.
بحسب تصريحات إعلامية حكومية، اثمر التعاون المشترك بين وزارة الإنتاج الحربي في مصر وبين شركة “MCV”عن تصنيع أول أتوبيس كهربائي مصري بأيادي مصرية، وده من منطلق رؤية مصر 2030 ومواكبة للتطور العالمي في صناعة الأوتوبيسات.
وصرح وزير الإنتاج الحربي المصري، محمد أحمد مرسي، أنه تمت زيادة نسبة المكون المحلي في الصناعة علشان توصل لأكثر من 60%، وتصميم الأوتوبيس بالكامل تم بواسطة مهندسين مصريين، كمان كل أجزاء الهيكل الخارجي والداخلي للأوتوبيس تم تصميمها وتصنيعها في مصر، من “زجاج، إطارات، كراسى، والمواد الخام الأساسية، زي الفيبر والصاج الخارجي لجسم الأتوبيس”.
وأوضحت الوزارة أن الأتوبيس الكهربائي هيقدر يشتغل بشكل متواصل بشحنة واحدة لمسافة هتوصل من 300 كيلومتر إلى 350 كيلومتر، وده حسب ظروف التشغيل ودرجة الحرارة، والسرعة القصوى له 70 كيلومتر/ ساعة، بالإضافة إلى أنه هيشتغل في درجات حرارة متفاوتة بتوصل إلى 45 درجة مئوية وبيحتوي الأوتوبيس ده على 49 كرسي.
عاش المصريين!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
