Mohammed Sabry
أطلقت وزارة الثقافة مبادرة “صنايعية مصر” للتدريب المهني، اللي هدفها إعادة الحرف التقليدية التراثية لدائرة الضوء. وحسب ما نشرت “بوابة الأهرام”، المبادرة بينفذها صندوق التنمية الثقافية برئاسة الدكتور فتحي عبد الوهاب، وبتعمل على إحياء الحرف وتأهيل جيل جديد من المبدعين في المجال ده. علشان تحافظ على هويتها وملامحها المتفردة.
وأشارت الوزارة إن الحرف دي من أساسيات التراث الثقافي، والثوابت الراسخة في ذاكرة المجتمع. ده غير إن المجتمع المصري اتميز بعدد من الحرف اليدوية المختلفة على مر العصور، واللي اتوارثتها الأجيال لحد ما بقت مدلول على الإتقان والدقة، وعلامة على الإبداع.
مبادرة “صنايعية مصر” هدفها التدريب على الحرف في مجالات زي: أعمال النحاس – الصدف – القشرة – الخيامية – الخزف – الحلي التراثية). وبتستهدف أبناء الوطن من سنة 18 لحد 40 سنة. وبعد اجتياز فترة التدريب اللي مدتها 8 شهور، بيحصل المتدربين على شهادة معتمدة. التدريب بيكون على مرحلتين الأولى للمبتدئين، والثانية لرفع كفاءة الحرفة.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
