شيشة ومسلسلات وأكل مميز.. أجمد 10 أماكن للسحور في القاهرة
أماكن للسحور اب تاون كايرو اصحاب السحور في القاهرة تخت شرقي حفلة خروجة خيمة رمضان رمضان 2018 سحور صيام عائلة عروض عيلة فسحة فطار لمة مسار اجباري منيو
Cairo 360
رمضان دايمًا هو اللي بيجمع العائلة والأصحاب. القعدة في رمضان ماتحلاش من غير اللمة، وسط اللعب والضحك والفرفشة. وزي ما اللمة بتحلى على الفطار، بتحلى كمان على السحور. علشان كده جبنا لكم أحسن أماكن في القاهرة ممكن تتسحروا فيها، وتقضوا سهرة ماتتنسيش:
أب تاون كايرو بقت من الأماكن اللي لازم تروحها في رمضان.. وأكيد مع الديكورات المبهرة في خيمة لانتيرنز والأكل المميز، هتكون سهرتك هناك مختلفة.
للتواصل: 01156666464
السحور مالوش حل في نايل ريتز كارلتون. في خيمة “وسط البلد”، اللي بتطل على المتحف المصري. بيخليها أحسن مكان تعمل فيه ريفريش بعد يوم طويل. خيمة وسط البلد فيها كل اللي أنت عايزه من الأكل الرائع، للشيشة، للعروض المختلفة، وكمان الأفلام.
للتواصل: 0225778899
استعدوا لسهرة ماتتنسيش في خيمة “ع الطاولة” في جاليريا 40. ومنيو سحور هيقدمه مطعم “الحنفية”. وكمان هتستضيف النجم حكيم في الافتتاح السنة دي.
للتواصل: 01000371444
باب القصر – رويال ماكسيم بالاس كمبنسكي
خيمة “باب القصر” بتقدم تشكيلة متنوعة من المقبلات والحلويات الشرقية، بتناسب عروض التخت الشرقي اللي بتقدمها طول أيام الأسبوع. أما في الويك إند، فبتقدم عروض خاصة وحفلات بيحييها نجوم وفرق، زي: العسيلي – محمود الليثي – بوسي – مسار إجباري.
للتواصل: 01097111151
فندق كمبنسكي نايل كايرو بيقدم سحور مميز طول شهر رمضان. منيو شرقي متنوع مع الشيشة والعروض المختلفة. كل ده بـ 200 جنيه ++ للفرد.
اعرفوا تفاصيل أكتر من هنا.
مش بس السحور، في سميراميس إنتركونتيننتال اللي ممتع، ده أنتم كمان هتستمتعوا بفطار مميز من الأطباق الإيطالية المختلفة. وكمان المنيو الشرقي أكيد موجود مع الشيشة والبرامج والمسلسلات، اللي بتتعرض على شاشات كبيرة. فعاليات متنوعة ومميزة ترضي كل الأذواق.
للتواصل: 0227988188
خيمة “الحارة” في ريفيوليه الشيخ زايد، مستعدة بكل قوة لرمضان 2018. وهتستضيف النجم محمد فؤاد في حفلة الافتتاح. وأكيد منيو السحور هيكون فيه أشكال وألوان مختلفة من الأكلات.
للتواصل: 19394
فورسيزنز نايل بلازا عامل ست منيو بأحلى الأكلات الشرقية للسحور. وطبعًا المشروبات المتنوعة. وبيقدم عروض فطار وسحور مختلفة وبأسعار مختلفة، تختار منها اللي يناسبك.
للتواصل: 0227917000
لو عايز تستمتع بأطباق مختلفة للسحور، يبقى مكانك خيمة “هلا رمضان” في فندق سفير. هناك تقدر تختار ما بين المطبخ المصري أو للبناني أو الآسيوي. والسهرة طبعًا ماتخلاش من التسلية والعروض المختلفة.
للتواصل: 0237482424
بارون هليوبوليس بيدعوكم تجربوا القعدة في اللاونج. وتقدروا تقضوا اليوم هناك من أول الفطار لحد السحور. وكمان تستمتعوا بكل العروض والمسلسلات المختلفة.
للتواصل: 0222915757
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
