“شاكوش” و”الطنبورة” و”ميمو” ومتاحف مجانية وأكثر.. ويك إند طووويل في القاهرة
اجازة نهاية الاسبوع تعمل إيه في الويك إند حفلات في القاهرة خروجات الويك إند خروجات في القاهرة عروض فنية في القاهرة متاحف القاهرة ويك إند سعيد
Cairo 360
خلاص الويك إند دخل علينا، والمرة دي هيكون ويك إند طويل، وطبعًا كلنا محتاجين نفك عن نفسنا شوية بعد ضغطة الشغل. ودي مهمتنا الأساسية في كايرو 360 هنعرفك أبرز الحفلات والأنشطة الثقافية والفنية اللي هتستضيفها عاصمتنا المصرية، علشان ننبسط في خروجة رايقة في إجازة نهاية الأسبوع.. يلا بينا نعرف أحلى الحفلات والفعاليات في القاهرة!
الخميس 3 أكتوبر 2024
أكيد وحشك صوت الست أم كلثوم وهي بتقول: “وابتدى الليل، الليل، الليل، الليل يبقى أطول من ساعاته وابتدى قلبي يدوبني، يدوبني بآهاته، بآهاته”.. هتقدر تسمع الإبداع ده وتقضي ليلة كلها طرب على خشبة مسرح ساقية الصاوي للعرائس بعنوان “الست تعود من جديد”.. التفاصيل كلها هنا.
كمان تقدروا تحضروا حفل حسن شاكوش في BLUE NILE BOAT.. التفاصيل كلها هنا.
واوعى يفوتك حضور الحفل المميز واللي هيقدمه وائل الفاشني في ساقية الصاوي بالزمالك.. التفاصيل كلها هنا.
الجمعة 4 أكتوبر 2024
لو بتحب المسرح وليك في الكوميديا، اوعى يفوتك حضور مسرحية “ميمو” اللي بيقوم ببطولتها الفنان أحمد حلمي ومجموعة كبيرة من الفنانين، وده على مسرح فندق جراند تاور.. لتفاصيل أكثر اضغط هنا.
ولكل عشاق الفن التشكيلي،تقدروا تستمتعوا بالأعمال الفنية المُميزة للفنان وجيه يسى في المعرض الفردي “ضي القمر” في أوديسي آرت جاليري. الدخول مجانًا.. لتفاصيل أكتر اضغط هنا.
السبت 5 أكتوبر 2024
ولو حابب تستمتع بكوميديا محمد صبحي، هتقدر تعمل ده لما تحضر مسرحيته “فارس يكشف المستور” على مسرح مدينة سنبل.. والتفاصيل كلها هنا.
ويا عشاق الحضارة المصرية والمغرمين بيها، احجزوا مكانكم في عرض الصوت والضوء علشان تعرفوا أكتر عن مصر وتاريخها.. التفاصيل كلها هنا.
وكمان تقدروا تحضروا حفل لفرقة “الطنبورة” في الساقية.. التفاصيل كلها هنا.
وطبعًا مانسناش اللي بيحبوا السينما، هتقدروا تحضروا عرض فيلم “الجوكر 2” في سينما زاوية.. والتفاصيل كلها هنا.
الأحد 6 أكتوبر 2024
الخبر الحلو بقى أنكم هتقدروا تروحوا جميع المتاحف القومية والفنية وكمان السيرك القومي في الجمهورية مجانًا يوم الأحد 6 أكتوبر.. وتقدروا كمان تستمتعوا في اليوم ده بخصم 50 % على كل الإصدارات العظيمة لوزارة الثقافة.
واعرفوا من هنا 3 متاحف عسكرية هتكون في انتظاركم يوم الأحد.
ويك إند سعيد يا أهل المحروسة في شهر النصر!
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
