The Definitive Guide to Living in the Capital , Cairo , Egypt

القاهرة هتستضيف فعالية مهمة جدًا يوم السبت 11 مارس الجاري، وهي مهرجان The Rahet Bally Experience  في دورته السادسة، واللي هتكون في Zed Park بالشيخ زايد تحت عنوان Wonder Mama Around The World   (سيدات وأمهات ملهمات حوال العالم) برعاية مميزة من المجلس القومي للمرأة ووزارة الشباب والرياضة.

اختيار اسم المهرجان بيشير إلى سيدات رائدات حول العالم زي أم كلثوم، هدى شعراوي، جاذبية سري، زها حديد، كوكو شانيل، يايوي كوساما، الأم تيريزا، ماريا منتسوري، والجميل السنة دي إن الحضور هيمشوا في ممرات بتستعرض مجسمات للسيدات الرائدات مع نبذه عنهن بالإضافة لعروض مسرحية إستعراضية ومواكب بتعكس ثقافات البلاد المختلفة.

ده كله بالإضافة لورش عمل ومحاضرات بتهدف لدعم وتمكين المرأة مهنيًا ونفسيًا وصحيًا.

هيقوم العارضين والرعاة كمان بتقديم فقرات فنية وترفيهية للأطفال بالإضافة لأنشطة خاصة ترفيهية وتجميلية للأمهات في جو مبهج مليان بالمسابقات والفعاليات المناسبة لكل أفراد الأسرة بالإضافة إلى (الماركت) اللي بيتيح للحضور التسوق لعيد الأم ورمضان بأسعار مخفضة وعروض خاصة لرواد الإيفينت. الماركت ده هيقوم بدعم المشروعات الصغيرة والمتوسطة لسيدات رائدات أعمال وده لأن من أهداف راحة بالي تمكين المرأة اقتصاديًا وجعلها مستقلة ماديًا وقادرة على الكسب.. كمان بتهتم أيضًا راحة بالي بالشمول المالي نتيجة لتعاونها مع العديد من البنوك.

وبيعد مهرجان The Rahet Bally Experience هو أكبر مهرجان للأم المصرية والعائلة في مصر وبيقام كل عام في شهري نوفمبر ومارس وبتكون كل دورة بتيمة مختلفة ومميزة.

وبتقول السيدة نادية جمال الدين مؤسسة المهرجان: “فخورة جدًا بالمهرجان اللي بنقدم فيه فعاليات وفقرات للأسرة بيشوفوها لأول مرة. أشعر بالسعادة لما بشوف الابتسامة تملىء وجوه الأمهات والآباء والأطفال. جزيل الشكر للمجلس القومي للمرأة ووزارة الشباب والرياضة ولكل الشركات الداعمة للمهرجان والرعاة والعارضين اللي بيدعموننا من وقت الدورة الأولى.. وكل الشكر لفريق العمل والأسر اللي بتيجي خصيصًا من المحافظات لحضور المهرجان”.

حساب إنستاجرام الخاص بالإيفنت هنا، ولينك الإيفنت على فيسبوك هنا.

وتقدروا تحجزوا التذاكر من هنا.