Mohammed Sabry
في الساعات الأولى من بداية يومنا النهاردة، 14 مارس 2018، توفى العالم الفيزيائي المعروف “ستيفن هوكينج”، في بيته في كمبريدج. عن عمر 76 سنة.
العالم البريطاني له أعمال بحثية مهمة عن الثقوب السوداء. وكمان كتب العديد من الكتب العلمية، منهم “A Brief History of Time”.
في سن 22، الدكاترة قدروا إنه هيعيش سنتين بالكتير، بعد تشخيصه بمرض “التصلب العضلي الحركي” النادر. لكنه عاش بالمرض لمدة نص قرن.
رغم معدل ذكاء “ستيفن هوكينج” اللي وصل لـ 160 درجة، إلا إنه كان من أصحاب الدرجات السيئة في المرحلة الابتدائية. ودي من الحقائق الغريبة عن حياته.
في 2014 قدم النجم “إيدي ريدماين” فيلم “The Theory of Everything” اللي بيتكمل عن حياة العالم “هوكينج”. وفاز بجائزة أوسكار أحسن ممثل عن دوره في الفيلم.
دي مجموعة من التواريخ المهمة في حياته:
“هوكينج” اتولد في 8 يناير 1942، أوكسفورد، إنجلترا.
سنة 1963، اتشخص بمرض التصلب العضلي الحركي.
سنة 1979، بقى استاذ الرياضايت في جامعة كامبريدج.
سنة 1988، نشر كتابه “A Brief History of Time”. اللي باع أكتر من 10 مليون نسخة.
كل العالم حزين لفقد أهم عقل بشري على كوكب الأرض.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
