الحياة في كايرو
رسالة من “البرنس”: هقفل المطعم 16 يوم بمزاجي.. علشان كورونا (فيديو)
امبابة كبده البرنس كورونا مطعم البرنس ناصر البرنس
بواسطة
Omar Abd-elmaqsoud
في مبادرة إيجابية من المبادرات الشعبية اللطيفة لمواجهة فيروس كورونا المستجد.. أعلن مطعم “كبدة البرنس” عن إنه هيقفل لمدة 16 يوم، مع استمرار مرتبات العاملين زي ما هي.
المبادرة أعلن عنها صاحب المطعم “ناصر البرنس” كنوع من التضامن والدعم اللي بيقدمه للحكومة في الإجراءات الاحترازية اللي بتنفذها لمنع انتشار فيروس كورونا المستجد في مصر.
البرنس كان أكد في فيديو نشره على الفيس بوك إنه خد القرار ده بعد ما شاف الإجراءات اللي خدتها الحكومة مؤخرًا وإن “محدش طلب منه إنه يقفل” لكن طبيعة المكان إنه دايمًا زحمة، والحكومة بتمنع التجمعات، فخوفًا منه على صحة الناس اللي شغالين في المطعم والزباين، وبالمرة “نطهر المكان”.
المطعم هيقفل أبوابه ابتداءً من يوم الاثنين 16 مارس لحد الثلاثاء 31 مارس، وهيبقى أول يوم شغل في المطعم يوم الأربعاء 1 إبريل الجاي.
