دُم دُم تك.. أماكن تتعلم فيها الطبلة على أصولها
Mohammed Sabry
مافيش حد يقدر ينكر تأثير صوت الطبلة عليه، أول ما تبدأ في أي أغنية أو حفلة أو حتى فرح. حالة كده من الانبساط الهيستيري بتسيطر عليك. وتبقى عايز تقوم ترقص للصبح. إحنا بقى جبنا لك أماكن تقدر تتعلم فيها إزاي تلعب طبلة صح:
الأكاديمية المصرية للفنون والمواهب (إيتا)
“إيتا” هي أول شركة خاصة في مصر، بتشتغل في مجالات المواهب المختلفة. وبتعمل كورسات لتعليم أدوات موسيقية مختلفة، منها كورسات خاصة بالطبلة. تقدروا تعرفوا أكتر من صفحتهم.
درب 1718
مركز درب 1718 بيستضيف ورش عمل وبرامج ومبادرات وأحداث فنية مختلفة، بما فيها ورش خاصة بتعليم الطبلة. تابعوا صفحتهم من هنا، علشان تعرفوا مواعيد الورش الجديدة.
إعزف
“
إعزف” هو موقع متخصص في تعليم كل المواد الموسيقية أونلاين. وده من خلال الشراكة مع مجموعة من المتخصيين في مجالات موسيقية مختلفة، منها طبعًا الطبلة. وفريق الموقع بيقوم بتصوير وإنتاج حلقات الفيديو ورفعها أونلاين. تابعوا دروس الطبلة من هنا.
رووم آرت سبيس
مساحة رووم آرت سبيس بتعمل من وقت للتاني حاجة اسمها “دايرة الطبول”. ودي بيتجمع فيها عدد من المشاركين بالطبول ومعاهم حد متخصص، ويبدأو كلهم العزف. ولو مش معاكم طبلة هم بيوفروا لكم واحدة. تابعوا صفحتهم من هنا علشان تعرفوا الجديد.
جرامافون
ده مكان في المعادي للي بيحب الفن، وغاوي يتعلم حاجة جديدة، سواء في الثقافة أو الغناء والمزيكا والرقص. وبيحب الفرفشة. المكان بيعمل ورش كتير لتعليم الطبلة. تقدروا تتابعوهم من هنا.
مكان الفنون
مركز ومساحة تعليمية في المعادي برضه، بتعمل ورش ثقافية وفنية في مجالات مختلفة. ده غير أنشطة تانية كتيرة، بما فيها تعليم الطبلة. وتقدروا تتبابعوهم من هنا.
عايزين نشوف المواهب بقى.
مقترح
الحياة في كايرو
استخراج جواز سفر مستعجل في نفس اليوم.. اعرف الأوراق المطلوبة والرسوم
إجراءات استخراج جواز السفر لأول مرة استخراج جواز السفر المستعجل 2024 +10
الحياة في كايرو
