The Definitive Guide to Living in the Capital , Cairo , Egypt

الدورة 39 لمعرض “جيتكس دبي للتقنية 2019″، هيشارك فيها 4800 شركة من 100 دولة، في الفترة من 4 حتى 6 أكتوبر، ومن ضمن المشاركات الكتير هتنطلق النسخة الأولى لتطبيق البريد الإلكتروني Dmail، اللي هو أول تطبيق مصري، يعتمد على تقنية الـ Blockchain في تأمين الإيميلات وتشفيرها لأعلى درجة بين الراسل والمستلم، وفي السطور اللي جايه هنقول لكم على 7 معلومات تتعرفوا بيها أكتر على التطبيق المهم ده.

1- حرف الـD في اسم التطبيق بيرمز لـ Decentralized اللي معناها لامركزي، وده لأن البيانات (نصية – ملفات) ورسائل البريد بيتم تخزينها بصورة لا مركزية وبدون تحكم من أي جهة، وبتكون مملوكة بالكامل لكم كمستخدمين للبريد الإلكتروني، وما بتتخزنش على السيرفرات.

2- كل البيانات الخاصة بالمستخدم بتتحفظ في  Blockstack Gaia storage system وكمان تقدروا تحفظوها في cloud storage أو وحدة التخزين الخاصة بكم.

3- البيانات متشفرة بمفاتيح مملوكة بالكامل لكل المستخدمين، والتطبيق والقائمين عليه مش بيتحكموا فيها نهائي.

4- بيعتمد البريد الالكتروني في  تطبيق Dmail على التقنيات اللي بتوفرها شركة Blockstack  اللي بتساعد على تقديم تطبيق يحافظ على خصوصية وأمان المستخدمين.

5- التطبيق مملوك بالكامل لشركة مصرية شبابية بنسبة 100% ومرخصة وذات مسئولية محدودة.

6- النسخة التجريبية الأولى للتطبيق انطلقت في يوليو اللي فات ومن وقتها وهو بيحصد الجوائز.

7- التطبيق بيتيح التعامل مع العملات المشفرة باستخدام تقنية BTC Lightning Network ودي من أكبر الخصائص اللي عجبت المستخدمين في معظم الدول وخاصة اللي بيشتغلوا بنظام Freelancers وهيتم تطبيق الخدمة كاملة في بعض البلدان بعد الانطلاق الرسمي وهتتوفر بعد كده لكل أنحاء العالم فيما بعد.