كل اللي محتاج تعرفه عن مهرجان وسط البلد للفنون المعاصرة
دي- كاف مهرجان وسط البلد للفنون المعاصرة
Mohammed Sabry
بكرة القاهرة هتشهد انطلاق الدورة الـ 7 من مهرجان وسط البلد للفنون المعاصرة (دي- كاف). واللي هيستمر لحد يوم 28 مارس 2018.
دي- كاف هو أول مهرجان مصري متعدد الفنون والتخصصات. فيه بيتم عرض جميع الأعمال الفنية من أغاني ومسرحيات وأفلام، وغيرهم من العروض البصرية المتنوعة. المهرجان بيكون فيه فنانين محليين ومن دول مختلفة. ده غير إن العروض بتكون في أماكن متنوعة، زي: مسرح الفلكي أو مسرح روابط أو سينما زاوية. وأماكن تانية مختلفة في منطقة وسط البلد.
المهرجان السنة دي بيحتفل بالمرأة، وحفلة الافتتاح هيكون فيها الديفا سميرة سعيد – بينك أوكولوس من هولندا – إلبي من فرنسا – فريق شهيرة والناس الخطيرة. الحفلة هتكون يوم 9 مارس على مسرح الجنينة، في حديقة الأزهر. هتبدأ الساعة 7 مساءً. وسعر التذكرة: 150 جنيه. وتقدروا تعرفوا تفاصيلها من هنا.
أما بالنسبة لجدول عروض المهرجان وأماكنها، فتقدروا تعرفوها من هنا. واعرفوا كل تفاصيل المهرجان من صفحتهم على فيسبوك.
يلا استعدوا لعروض وحفلات فنية مبهرة طول شهر مارس.
