دليل الويك إند في رمضان: مسار إجباري وهشام عباس ومعارض فنية وأجواء مميزة مستنياك!
بازار الحرف اليدوية حفلات التسعينات حفلات رمضان حفلات مسار إجباري خروجات الويك إند خروجات رمضان دار الأوبرا المصرية فعاليات القاهرة فعاليات رمضان
Cairo 360
لو بتدور على خروجة مختلفة في الويك إند، جبت لك أحلى الأحداث اللي هتخليك تعيش أجواء رمضان على مزاجك، سواء بتحب الضحك، الحفلات، أو حتى عندك حنين لزمن التسعينيات الجميل!
الخميس 6 مارس 2025
ليالينا في قصر البارون راجعة من تاني بليلة استثنائية تبدأ بعرض ستاند أب كوميدي لخالد جواد، وتكملها فرقة مسار إجباري بأداء ساحر وقت السحور، وسط أجواء رمضانية كلها طاقة ومزيكا مميزة. اعرف تفاصيل أكتر من هنا.
لو بتحب الحاجات المصنوعة بإيد مصرية، يبقى لازم تروح بازار الحرف اليدوية في ساقية الصاوي من 6 لـ 8 مارس، هتلاقي إبداعات فريدة من أنامل موهوبة، وهتعيش تجربة تسوق مختلفة أول خميس، جمعة، وسبت من كل شهر. اعرف تفاصيل أكتر من هنا.
لو مهتم بالفن والتاريخ، متفوتش معرض “عدسة الفن الإسلامي” اللي اتفتح يوم 27 فبراير في مركز كرمة ابن هانئ الثقافي داخل متحف أحمد شوقي. المعرض بينقلك لعالم الجمال الإسلامي بعدسات محترفين، ومستمر لحد 29 مارس. المكان مفتوح يوميًا من 9 صباحًا لـ 9 مساءً، ماعدا الجمعة والاثنين، وإطلالته على النيل في الجيزة بتضيف له لمسة ساحرة. اعرف تفاصيل أكتر من هنا.
الجمعة 7 مارس 2025
لو نفسك في سهرة رمضانية بروح الزمن الجميل، سعد العود مستنيك في خيمة الليلة الكبيرة، حيث الموسيقى التقليدية هتعيشك الأجواء الرمضانية الأصيلة. اعرف تفاصيل أكتر من هنا.
محبي الموسيقى الكلاسيكية عندهم ليلة مختلفة مع حفل رباعي أوتار في دار الأوبرا المصرية، تجربة ساحرة مع ألحان تنبض بروح رمضان وتاخدك في رحلة موسيقية راقية. اعرف تفاصيل أكتر من هنا.
لو ليك في التسعينات وأغانيها اللي عايشة معانا لحد دلوقتي، هشام عباس هيولع الأجواء في خيمة زايا بأجمل أغاني الزمن ده في ليلة كلها طاقة وحيوية. اعرف تفاصيل أكتر من هنا.
السبت 8 مارس 2025
لو مزاجك في أمسية كلاسيكية، ماتفوتش حفل أوركسترا القاهرة السيمفوني في دار الأوبرا المصرية يوم 8 مارس، واستمتع بموسيقى تخليك تحس بالفخامة والرقي. اعرف تفاصيل أكتر من هنا.
الحنين للتسعينات مكمل مع كاسيت 90s في ساقية الصاوي، حيث أجمل أغاني الزمن ده راجعة عشان تاخدك في رحلة مليانة ذكريات وإيقاعات حلوة. اعرف تفاصيل أكتر من هنا.
وأخيرًا، لو بتحب الألعاب والتحديات، استعد لليلة كلها حماس ومنافسة مع قعدة لعب شقية في درب 15! اجمع صحابك واستمتع بألعاب ومفاجآت تخلي الليلة دي لا تُنسى. اعرف تفاصيل أكتر من هنا.
خروجات الويك إند الأسبوع ده مختلفة. فعاليات مليانة طاقة، موسيقى، وذكريات جميلة.. شوف اللي يناسبك واحجز دلوقتي!
مقترح
مطاعم
أكل بيتي بسعر معقول.. 3 مطاعم في القاهرة تعزم فيها حبايبك على إفطار رمضان 2025
أكلات مصرية خروجات رمضان +6
معالم وسياحة
