وسط الظروف السياسية والاقتصادية فى مصر، زيارة القاهرة يمكن مش الأولوية عند ناس كثير. عمومًا، مع قليل من البحث، قدرنا نجمع قائمة من أجمل وأبرز أسباب قضائك أجازة فى مصر؛ أماكن ثقافية كثيرة، مجموعة كبيرة من المطاعم المتنوعة جديدة وقديمة، محلات فريدة، وعدد لا نهائي من الفعاليات والأنشطة. ووسط دوشة وزحمة شوارع القاهرة نقدر نضمن لك تلاقى كثير من الدرر المخفية فى كل أنحاء المدينة.

أولاً، لو عاوز تبعد عن السواقة بكل مشاكلها وتعبها هـ تحتاج تعرف الطرق البديلة، تقدر تشاور لحنطور، أو تركب فلوكة، أو حتى جمل من سوق الجمال الأسبوعي. رغم كده مش مفاجأة أن أكثر وسيلة مواصلات شعبية هى التاكسى أو المترو لو حبيت رحلة أسرع وكمان بـ تقدم لمحة من ثقافة مصر.

مش لازم تكون سائح علشان تقدّر تاريخ المدينة البارز، رغم أن الموضوع عادة بـ يستخف بقيمته، القاهرة موطن واحدة من عجائب الدنيا السبع الساحرة وهي الأهرامات، والغريب أن عدد كبير من المصريين عمرهم ما زاروا الأهرامات، فما بالك بعدد اللى دخلوه من جوه. يجاور الأهرامات كمان متحف مركب الشمس وفيه تقدر تعرف أكثر عن مهمة ناجحة لعلماء الآثار قدروا فيها يجمعوا أجزاء مفككة من مركب كان مدفون بجانب الأهرامات، باستخدام الحبال بس كوسيلة للربط.

نتعمق أكثر مع تاريخ مصر الساحر وزيارة المتحف المصرى العظيم أو متحف محمود مختار الأقل شهرة، اللى فيه تقدر تشوف الأحداث التاريخية برؤية النحات البارع. من أيام المصريين القدماء، الفن لعب دور مهم فى المجتمع المصرى، لاحظ مراحل التطور فى متحف النسيج المصرى أو متحف الفن الإسلامى. لسه مش مقتنع؟ فكر فى كل المنتجات يدوية الصنع الموجودة فى خان الخليلى، أشهر أسواق القاهرة، واوعى تستهين بـ شارع معز الدين اللى نقدر نقول عليه أنه متحف مكشوف مميز فى القاهرة.

حصن تاريخي مش بعيد عن المقطم هو القلعة بـ يحوي عدد من المساجد الجميلة، وكمان المتحف الحربى المثير للشجن والحنين للماضي مع إحساس مخيف شوية. أماكن دينية ثانية تشمل القاهرة القبطية، ومدينة الموتى ومسجد بن طولون أقدم وأكبر مساجد القاهرة.

لو نفسك فى راحة قصيرة مش هـ تحتاج تروح لبعيد. النيل على بعد خطوة واحدة وممكن يستغل بصور كثيرة رحلة بمركب للأقصر أو أسوان، أو حتى ركوبة قصيرة لفلوكة تعتبر مهرب من شوارع وسط البلد المزدحمة.

مساحة الأزهر بارك الشاسعة كمان بـ توفر بديل مريح لحياة المدينة، وتقدر تشوف فيها مناظر خلابة وتستمتع بالهدوء فى مطاعمهم اللطيفة: مطعم البحيرة وألان لو نوتر.

صعب تتخيل أن فى يوم من الأيام مصر كانت فى مجملها أرض واسعة، جافة وصحراوية. تقدر تروح على المعادى وتحديدًا محمية وادى دجلة الطبيعية، واقضى يوم كامل بعيد عن شوارع القاهرة الزحمة. نوادى زى سقارة كونترى كلوب بـ تقدم بدائل زى رحلة فى الصحراء بواسطة الدراجات الرباعية أو حصان، وفى نفس الوقت أكاديمية Jump Riding فى الزمالك بـ تقدم حصص تعليمية لركوب الخيل بضمان الأكاديمية.

لو كنت بـ تفضل الأماكن المقفولة تقدر تروح أىٍ من مولات القاهرة المريحة. سيتى ستارز، صن سيتى ومول العرب بجانب مولات ثانية بـ توفر يوم من متعة الشراء لكل أفراد الأسرة. ماركات عالمية ومحلية أشكال وألوان فى المولات تقدر تتسوق فيهم.

لو كنت بـ تدور على تجربة تسوق أكثر أصلية، زور محلات الكنوز التقليدية زى O-M، Moon Flower وتراث فى الزمالك، أو ديوان أباظة فى المعادى. فن التصميم والأعمال اليدوية المميزة تقدر تشوفها تقريبًا فى معظم أنحاء القاهرة، ونتج عنها افتتاح كثير من المصممين لمعارضهم الخاصة؛ دور على بوتيكات مصممى المجوهرات المصريين زى زينب خليفة، دينا مغاورى وعزة فهمى علشان تلاقى إكسسوارات أصلية يدوية رائعة. فن آخر منسي –وهو فن صناعة اللعب– لسه موجود فى القاهرة لحد النهارده؛ تقدر تلاقى ألعاب بصناعة يدوية أصلية تتميز بالجودة العالية والتفرد عند مملكة الكنوز جرافيتى أرتيستويز.

مافيش شك أن الرجال أو السيدات على حد سواء محتاجين تدليل كل فترة والثانية. كثير من الفنادق الكبيرة فى المدينة بـ يوفروا يوم كامل على حمام السباحة وخدمات ثانية؛ سوفيتيل الجزيرة يفتخر بامتلاكه حمام سباحة فخم ضخم، وكمان منتجع صحى رائع وهو “سو سبا“، نوفوتيل تجربة خالية من أى إضافات جوهرية، أما فيرمونت نايل سيتى فبـ يقدم متعة مالهاش حدود. شاطئ JW Marriott الصناعى أكثر مكان يستاهل الزيارة والهروب من المدينة لتجربة أصلية مالهاش مثيل.

من الواضح أن كل يوم بـ تفتح مطاعم جديدة، بس الفكرة إزاى تقدر تحل مكان الأماكن القديمة المفضلة؟ سيكويا الشهير بطلته على مناظر رائعة يعتبر مكان آمن لأى مناسبة. أبو السيد وتبولة مشهورين بالأكلات المصرية الأصلية، وكثير بـ يقولوا أن كايرو كيتشين وأبو طارق بـ يقدموا أجمل كشرى ممكن تتذوقه. اكتشف مطاعم تقليدية وروح على المطعم اليمنى أو نعمة، يمكن شكلهم مش قد كده، بس مع سعر باكيت البطاطس هـ تأكل زى الملك. اوعى تنسى أن مش بس معظم مطاعم العاصمة بـ تسهر لوقت متأخر، دول كمان بـ يوصلوا لغاية باب بيتك. طبعًا ما تنساش العدد الكبير من محلات الحلويات فى القاهرة. بالنسبة للحلو، اختار من بين مجموعة الحلويات الشرقية اللذيذة من ماندرين قويدر، أو بما أن مصر مشهورة بفواكها الطازجة اللذيذة اتمشى فى شوارع الزمالك ومعاك سموزي فاكهة ممتع من ليتشى.

مطعم برج القاهرة مش هو الاختيار الأول عند كل الناس من ناحية الأكل، بس من ناحية أنه بـ يقدم صورة بانورامية للقاهرة فمافيش منافس له، يمكن الاستثناء الوحيد هو المطعم الدوار فى جراند حياة جاردن سيتى.

لو ما أخذتش بالك، سكان القاهرة بـ يعشقوا الأماكن اللى بـ تقدم شيشة، وعمرك ما هـ تلاقى نفسك تايه. كافيهات الشيشة موجودة حتى فى أصغر الشوارع؛ قهوة البستان هـ تلاقيها واحدة من مئات القهاوى فى حارات وسط البلد، أو تقدر تجرب كبديل القهوة المحبوبة ولعة اللى بـ تقدم قعده نيلية منعشة مع الشيشة اللى تحبها.

لو كل اللى فات مش كفيل يقنعك أن القاهرة هى المكان المناسب، ادخل على أجندة كايرو 360 علشان تشوف عدد لا نهائى من المعارض الفنية، والبازارات والحياة بالليل. فى مدينة بـ تقدم كل ده، مستحيل ييجي لك إحساس بالملل.