The Definitive Guide to Living in the Capital , Cairo , Egypt

الصورة الرئيسية: Sander Smeekes

إجازة العيد لازم تكون مميزة، سواء كانت طويلة أو قصيرة، والسنة دي إجازة عيد الفطر 6 أيام كاملين، محتاجين أنشطة وألعاب وترفيه واسترخاء وكمان نرفع الأدرينالين شوية! وعلشان نستمتع بالإجازة وتكون فعلًا حاجة مختلفة، هنعرفكم على 3 أماكن في القاهرة هتساعدكم تستمتعوا بالعيد وهتحسن حالتكم المزاجية وهتقوي روح الفريق جواكم.

Trapped Egypt

هتلاقوا عندهم ألعاب هروب من 34 غرفة تقدروا تختاروا منهم المناسب لكم، وبتتحبسوا كفريق في غرفة لمدة 60 دقيقة وبتحاولوا تهربوا، وهما موجودين في التسعين وكايرو فيستيفال والشيخ زايد، والأسعار بتبدأ من 700 جنيه لفردين.

تقدروا تعرفوا أكتر عنهم من خلال صفحة الفيسبوك من هنا.

IL CAMPO

وسط الطبيعة الخلابة وبعيدًا عن الضوضاء وفي أطراف مدينة الجيزة بمنطقة منيل شيحة، هتقدروا تستمعوا بيوم مميز أثناء إجازة عيد الفطر المبارك بركوب الدراجات المائية والمركب وصيد السمك وكرة الماء وحفلات الشواء والفن والمزرعة وغيرها من الأنشطة المميزة داخل الكامب المناسبة للكبار والأطفال، والأسعار عندهم بتبدأ من 385 جنيه.

تقدروا تعرفوا أكتر عنهم من خلال صفحة الفيسبوك من هنا.

Ahimsa Egypt

أما لو عاوزين ترتاحوا نفسيًا بدون دوشة ولا تعب ولا فرهدة وبردوا ترفعوا الأدرينالين وتستمتعوا بوقتكم يبقى روحوا أهميس مصر واللي عندهم هتقدروا تستمتعوا باليوجا وجلسات تطوير وتذكية النفس والاستشفاء، وكمان عندهم سينما وحفلات وأنشطة مختلفة زي القارب والرسم والمراجيح وورش هاند ميد وغيرها، وأسعارهم مختلف حسب النشاط بس بتبدأ من 300 جنيه للفرد في المجموعة.

تقدروا تعرفوا أكتر عنهم من خلال صفحة الفيسبوك من هنا.